Lafaek News— Koordenadór forsas tarefas ba prevensaun no mitigasaun surtu covid-19 iha Timor Leste, Rui Maria de Araújo, liu husi komunikadu imprensa, ohin (02/09) katak kazu Grave 17, Covid-19 foun 269, rekuperadu 262 no total kazu ativu hamutuk 4.485.
“Iha izolamentu Vera Kruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu nain 140, hanesan kaxu Grave hamutuk 17 pessoas (nain 3 uza ventilador, nain 2 uza CPAP-Continuou Positive Airway Pressure nain 12 uza oksijéniu), kazu Moderado hamutuk 95 pessoas, kazu Leve hamutuk 28 pessoas,” informa koordenadór covid-19 iha Timor-leste, Rui Maria de Araújo, iha Kinta (02/09/2021).
Rui relata, total óbitu iha loron 2 Setembru 2021: 2 (rua), feto, idade 36, Timoroan, hela iha Dili, seidauk vasina, iha 21 Agostu 2021, diagnóstikadu iha HNGV ho sindroma insufisiénsia respiratória aguda (SIRA) tan bá Covid-19, Iha loron ne’e kedas matebian hala’o tratamento iha Vera Kruz, Matebian i’is-kotu ohin dader 04h00. Familia kordena ona ho ekipa saúde atu hala’o funeral tuir protokolu ne’ebé adopta iha Timor-Leste.
Iha mós mane, idade 60, Timoroan, hela iha Dili, seidauk vasina, iha 2 Setembru 2021 diagnóstikadu iha HNGV ho sindroma insufisiénsia respiratória aguda (SIRA) tan bá Covid-19, Matebian i’is-kotu ohin 13h25, iha HNGV. No familia rejeita atu hala’o funeral tuir protokolu ne’ebé adopta iha Timor-Leste.
Enkuantu kazu detetatu foun ne’ebé relata iha 2 Setembru 2021: 269 (iha Dili 139, Ermera 27, Baukau 22, Bobonaro 16, Kovalima 14, Lautem 12, Viqueque 9, Manufahi 9, Aileu 2, Ainaro 6, Likisa 1, Manatutu 5, Raeoa 7, no Kazu rekuperadu ohin hamutuk: 262, kazu ativu ohin :4.485, total kazu konfirmadu kumulativu iha 2 Setembru 2021 (sura husi 21 Marsu 2020): 17.183.
Jornalista : Sandi Belo
Asisten Editór : Pedro de Almeida
