Lafaek News–Autor ne’ebe orienta sidadaun nain 5 kompostu husi Timor-oan 4 no Indonezia ida hala’o tranzasaun ilegal husi Atapupu-Dili, Unidade Patrollamentu Maritima (UPM) sona kuak karreta autor nian roda 4 hakdasak, tanba lakohi koopera no lori xave kareta halai lakon.
“Ita boot (ADJDS), nia kareta la aat, maibe ohin dadersan ita boot hetan ami lori xave kareta halai entaun ha’u haruka membru lori tudik sona tiha kareta nia roda 4 ne’e halo kuak, se lae o bele lori kareta halai fali, entaun evidensia saida mak ami atu aprezenta ba polisia no ba tribunal,” Komandante UPM Basilio esplika ba autor tranzasaun ADJDS iha edifisiu UPM Dili, Tersa 31/08/2021,
Basilio konsidera ADJDS la kontibui ba nasaun ida ne’e, tanba ADJDS lakohi selu taxa halo atividade ilegal hanesan fulan ida importa sigaru iha fulan ida hetan kaixa 100 ba leten mos la selu taxa ba estadu.
“Ita boot la lakon tanba rendimentu ba ita boot nia privadu nee aas liu duke selu taxa ba estadu nian tanba ita boot la selu taxa estadu, depois ita boot sai suplay ba sigaru hanesan sigaru Joker, L.A no mos Marboro lubuk ida iha Dili laran,” Basilio deklara.
Nia afirma, ema seluk mos bele aproveita liu husi dala via maritima, hodi hatama feto, armas ilegais, droga, osan falsu sira nee ADJDS bele sai autor hotu ba ida nee bainhira ema sira husi Indonesia koñese malu diak, maibé Timorn tenke kopera ho parte seguransa.
“Bisnis ne’e o nia direitu maibé la’os liu husi dalan ilegal, tanba baibain ita boot koalia dehan kopera ho polisia realidade la iha, dala barak ona Ita boot halo tranzasaun ilegal ami nunka kaer toman maibe, ohin loron ne’e maromak soe duni ita boot mai ami atu kaet ita boot,” katak komandante UPM ne’e.
Basilio akresenta, Polísia mai husi komunidade fila-fali servisu ba komunidade hodi obriga ema atu tuir dalan loos, oinsá atu kumpri regulamentu hotu, maibé UPM sei entrega autor ba Komandu PNTL munisipiu Dili hodi kumpri oras 72 iha sela depois tuir prosesu investigasaun.
Entretantu Komandante UPF haktuir fali katak, foin lalais iha fulan jullu ADJDS importa sigaru kaixa 160 no fulan Agustu hatama sigaru dala 8 ho illegal, maibé ADJDS la selu taxa ba estadu tanba nia halo negosiasaun illegal.
Jornalista : Orlando Magno
Editor : Agapito de Deus
