Lafaek News–Komandante Operasional Polisia Nasiona Timor-Leste (PNTL), Superintendente Xefe, Pedro Belo informa, husu governu no-mos sidadaun hotu atu rekonese Unidade Ptrollamentu Fronteira (UPF), nia servisu iha Fronteira tanba sira mos servisu durante oras 24.

“Ita tenke rekonhese UPF sira nia servisu tanba sira nia fatin mos la sufisiente no sira nia ekipamentus limitadu, maibe sira sempre halo patrolla iha tempu kalan no loron konta dehan sira servisu 24 oras, ita tenke haree mos ida nee,” dehan Komandante Operasional Pedro Belo ba jornalista Iha Komoro Dili, Kuarta 25/08/2021.

Komandante Operasional Pedro relata, publiku haree iha fronteira Dala barak ema ultrapasa liu husi dala illegal tanba membru sira mos naton deit entau sira la bele kobre hotu iha linha fronteira.

“Ita nia postu UPF mos distansia husi postu ida ba postu ida nee naruk tebes depois ita nia ekipamentus ba membru sira mos limetadus, entaun ita la ble kobre hotu tanba nee mak dala wain ema tama sai liu dalan ilegal ita la bele hetan hotu,” Komandante Pedro deklara.

Nia afirma, PNTL prontu ezekuta ordem la dehan nee la bele, tanba sira kumpre deit bainhira ordem husi superior sira tun.

“PNTL prontu asegura atividade hotu Ate agora governu ho estadu neebe nafatin fiar ba UFP tanba ho espiritu neebe makas sira nafatin asegura fronteira hodi haree ema tama sai liu dalan illegal labele haree de’it dehan polisia Indonesia nia mesak mak kaptura ita nia sidadaun, maibe tenke rekonese UPF sira nia servisu tanba sira mos kaptura ema lubuk iha tempu kalan ho loron,” nia esplika.

Komandante operasional, Pedro Belo realsa, durante ne’e UPF kaptura ema ne’ebe tama sai liu dalan no simu husi Polisia Republik Indonesia hamutuk nain 629, da-daun ne’e sira kumpri hela protokolu saude nian tama kuarentina depois sei tuir prosesu investigasaun.

Jornalista : Orlando Magno