Lafaek News–Iha intervista komunidade Laura Smith, sente triste banhira haree dezisaun governu hapara prosesu aprendizajen iha eskola primeiru siklú até ensino segundaria, maibe jogu duir bola ho merkadu la taka
“Ha’u sente triste tamba saida maka eskola taka no bola guling ho merkado ema sei loke nafatin inklui halibur ema barak,”hateten komunidade Laura Smith iha suku Camea,aldeia Bedois postu administrativu Kristu-Rei munisípiu Díli, segunda(23/08/2021).
Nia hatutan estudante barak mak la asesu ba aula online tamba problema pulsa no telefone ba estudante sira hodi asesu tamba ne’e susar tebes atu hetan valor ne’ebe maka diak.
“Inan aman ne’ebe maka iha osan sosa netik telefone no pulsa ba oan sira hodi tuir aula online maibe sira ne’ebe maka laiha osan susar ba oan sira atu asesu aula online,”Nia deklara.
Iha sorin seluk estudante 3 ensino siklú Eskola Santa Terezinha do Menino Jesus Bedois Camea Marciana Freitas klase 3 ne’e triste tamba materia barak maka sira la tuir tamba ho situasaun covid-19 no virus Delta.
“Materia barak maka ami kopia ona maibe laiha esplikasaun husi profesor sira tamba deit eskola paradu No dehan corona ho delta,”hateten estudante 3 siklú ne’e.
Nia deklara durante aula la lao semana rua ona tamba ne’e sira tenki aprende iha uma deit maibe susar ba sira ne’ebe maka tenki lao ho aula online.
“Ami la ba eskola durante semana rua ona tamba ne’e profesora sira dehan katak ami tenki etuda iha uma deit hafoin eskola tama ami hodi tuir exame,”Nia hakotu.
Jornalista : Manuel Andrade
Editór : Agapito de Deus
