Lafaek News–Segunda 23/08/2021, Prezidente Republika Francisco Guterres Lu Olo halo runiaun liu husi Zoom Meeting entre membru Konselu Superior Defeza no Seguransa (KSDS) no Konsellu Estadu (KE) rona hanoin hafoin estende tan EE ba dala 17 no komfinamentu obrigatoriu iha teritoriu nasionál.
“Ohin PR Enkontru ho Membru KSDS no KE liu husi Zoom Meeting rekomenda ba PR, atu PR hatoo pedidu ba Parlamento Nasional atu deside estadu emergensia, autoriza la autoriza ne’e depende ba Parlamento nasional, ohin lorokraik ida ne’e prepara atu lori ba,’’ Xefe Kasa Sivil Francisco Maria de Vasconsellos iha Palasio presidensial Bairo-Pite segunda (23/08/2021).
Xefe Kasa Sivil hatoo asuntu ne’e hafoin remata enkontru ho PR liu husi Zoom Meeting entre KSDS no KE iha Palasio presidensial Bairo pite segunda ne’e.
“Medida sira ne’ebe mak sei foti bazeia ba Desenvolvimentu ne’ebe mak iha ita nia rai COVID19 no Variante foun ne’ebe mak husi Ministeriu saude fo sai ona”, hateten Xefi kasa Sivil.
Xefi kaza Sivil ne’e informa, Prezidente Republika Francisco Guterres nia kondisaun rekuperadu ona, maibe enkontru ne’e liu husi Zoom, tanba mediku sira mak rekomenda dalan di’ak liu pratika normal iha fatin hotu evita kontaminasaun labele prejudika liutan.
Jornalista : Rita Moniz
Editor : Agapito de Deus
