Lafaek News—Dom Bosco Mission Amérika, kinta (19/08/2021), apoiu nesesidade bázika hanesan foos, batar, foremungu, supermie no manu broiler ba sentru Miguel Magone Balide hodi tulun labarik sira ho aihan loro-loron.
Iha intervista ho Padre SDB Gui Do Carmo da Silva hateten, apoiu ne’e husi Dom Bosco Mision Amérika liu husi padre Salesiano Dom Bosco relasiona ho inundasaun no problema pandemia kovid-19 ne’ebe eziste atake mundo tomak inklui nasaun Timor-Leste.
“Problema rua ne’e maka halo maun alin sira husi Salesiano Dom Bosco Amérika hakarak apoiu husi ami ba to’o maun alin sira seluk,”Hatetn Padre SDB Gui Do Carmo da Silva ba jornalista Lafaek News, kinta (19/08/2021).
Hodi dehan, hahan bazikú ne’e fó tuir posibilidade ne’ebe maka iha hodi hakman iha loron ida no rua nia laran, tanba sei fó mos iha fatin seluk hanesan ho ne’e mos.
Iha fatin hanesan diretor ezekutivu Sentru Minguel Magone Damiao Pereira hateten, nia parte sente kontente bainhira hetan vizita husi familia salesiano Dom Bosco hodi bele ajuda netik benefisiaru sira maske la barak maibe bele responde ona sira nia nesesidade loro-loron nian.
“ Ami hato’o agradese wain tebes ba familia salesiano dom bosco tamba ne’e ita reza ba malu laiha buat ida maka ita atu selu ba malu ,no benefisiariu ne’e ba liu-liu ita nia oan kiak sira tamba ne’e ita hotu nia servisu no esforsu,”Nia salienta.
Entretantu tuir dados total benefisiaru hamutuk 42 inklui ho bebe iha Sentru Minguel Magone, no padre Salesiano Dom Bosco SDB sei ho ekipa hakat ba Dom Bosco Ermera, Likisa inklui Maliana hodi apoiu nesesidade, no tuir planu fulan Setembru-Outubru tinan ne’e apoiu mos nesesidade bazika ba eskola Dom Bosco Baukau.
Nesesidade bazikú ne’ebe sentru Miguel Magone Balide simu hanesan foos iha pakote 70 no kada pakote foos ida hetan kilograma 5 no iha fore-mungju, batar inklui ho supermie kaíxa 17 no manu broiler 45.
Jornalista : Manuel Andrade
Editór : Agapito de Deus
