Lafaek News-Total Óbitu 41, Óbitu Foun 1, Covid-19 foun 278, Kazu Rekuperadu 55, no total kazu Ativu hamutuk 2.729
Koordenadór Forsas Tarefas ba Prevensaun no Mitigasaun surtu covid-19, Rui Maria de Araújo, informa, total óbitu ne’ebé relata iha loron 19 Agostu 2021: 1 (ida), ho detallu hanesan tuir mai; Mane, idade 47, Timoroan, enkamiña husi Ermera mai HNGV, iha 5 Agostu de 2021, ho diagnóstiku sindroma insufisiénsia respiratória aguda (SIRA) tan bá COVID-19 (PCR pozitivu ho CT E gene 33,3), no iha fatin isolamentu Vera-Kruz, hala’o tratamentu ho ventilasaun asistida, maibé horikalan meia-noite tan bá xoke séptiku no falénsia orgaun barak (multiple organ failure).
Nune’e, familia kordena hela ho ekipa saúde atu hala’o funeral tuir protokolu ne’ebé adopta iha Timor-Leste, kazu detetatu foun ne’ebé relata iha 19 Agostu de 2021: 278 (iha Dili 185, Manufahi 41, RAEOA 21, Likisa 18, Bobonaro 4, Manatutu 8, Vikeke 1.
“Kazu rekuperadu ne’ebé ralata ohin hamutuk: 55, kazu ativu ohin hamutuk: 2.729, no total kazu konfirmadu kumulativu iha 19 Agostu 2021 (sura husi 21 Marsu 2020): 13.433,” esplika koordenadór forsas tarefas ba prevensaun no mitigasaun surtu covid-19, Rui Maria de Araújo, liu husi komunikadu imprensa, Kinta (19/08/2021).
Entretantu, Covid-19 ka Virus Korona hanesan moras foun iha mundu ne’ebé fasil tebes atu hada’et husi ema ba ema, virus ne’e ema labele haree ho matan de’it, tanba kiik liu, dezde fulan Janeiru tinan 2020, moras ne’e hada’et ba rai hotu iha mundu no hamate ona ema liu rihun 165 no kazu ne’ebé sei ativu hamutuk liu millaun 2 resin.
husi populasaun hotu labele haluha fase liman kada oras, uza maskara no mantein distansiamentu fiziku tenke metru 1, atu nune’e bele evita daet no bele elemina lalais virus ne’e iha rai doben Timor Leste.
Jornalista : Sandi Belo
Editór : Agapito de Deus
