Lafaek News–Sekretáriu Estadu Juventude no Desportu (SEJD) liu husi Diresaun Nasionál Informasaun Komunikasaun no Téknolojia (DNIKT), kinta (19/08) hala’o formasaun tékniku debate ba Parlamentu Foinsa’e (PF), hodi prepara ba plenária iha loron 24-25 fulan Agusto tinan ne’e.
Xefe Seksaun Formasaun Parlamentu Foinsae (PF), Cesarino Gonçalves hateten, Formasaun Tekniku debate ne’e sira elabora bazeia ba esperénsia formasaun sira ne’ebé maka halo iha formasaun Parlamentu foinsa’e iha primeiru periodu segundu periodu no terseiru periodu.
“Matéria tekniku debate ne’e nia lalaok hanesan ita hatene katak atu realiza formasaun ne’e ita sempre iha preparasaun, preparasaun ne’ebé ami halo ne’e durante fulan ida juñu nia laran ami halo preparasaun atu elabora materia sira tekniku debate ne’e ami elabora bazeia ba esperénsia formasaun sira ne’ebé maka halo iha formasaun Parlamentu foinsa’e iha primeiru periodu segundu no terseiru periodu,” dehan Cesarino ba Lafaek News iha Salaun Semináriu Maloa, kinta (19/08/21).
Nia akresenta, plenária ne’e sei realiza iha dia 23 -25 iha Lahane Palasio nia opiniao ne’e maka iha preparasaun ida maka fo formasaun ba sira para sira bele hatene uituan kona-ba prinsipiu debate sira oinsa mak bele tuir argumentu oinsa mak sira bele hatene konaba normas sira iha debate no mekanismu debate.
“Neduni Parlamentu Foinsae totál 132 tanba ita hatene situasaun covid-19 barak mak labele partisipa entaun sira nia partisipasaun agora ne’e 119 pesoas de’it,” afirma Nia.
Lala’ok dadaun ne’e lao ho modelu prátika 75% no 25%, nune’e formasaun ne’e iha sala haat(4) turma A B C no D no nia formador mós haat (4), akompanha kada turma asisten nain rua (2) balun asisten nain tolu(3). Neduni ohin termina ona matéria formasun, ba aban sira halo inkontru bankada no enkontru bankada ne’e aktividade ida antes ba komisaun atu elabora sira nia dadus ne’ebé maka antes mai foti hodi halo peskiza iha sosiedade iha baze ne’e.
Depois inkontru bankada bainrua sira halo tan ida naran enkontru komisaun, depois ba deskute temátiku relasiona ho tematik 5 ne’ebé mak hatuur iha Politiku Nasional Juventude (PNJ).
Iha fatin hanesan formandu Parlamentu Foinsae (PF), Pascoal Jorda Sousa Pereira Soares hateten, iha parte tekniku debate iha loron rua sira aprende tékniku debate oinsa atu debate ho diak hodi iha preparasaun no mos oinsa atu respeita ema nia argumentus sira no parte seluk mós oinsa atu prepara sira nia faktu dadus.
“Iha parte tékniku debate iha loron rua ami aprende tekniku debate oinsa atu debate ho diak iha ne’eba maka tenke iha preparasaun no mós oinsa atu respeita ema nia argumentus sira, iha parte seluk mos iha oinsa atu prepara ita nia faktu dadus,” dehan, Pascoal Soares.
Nia afirma, ho ida maka iha tékniku bedate ne’e hanorin ema oinsa atu sai responsabilidade ba iha evidensia ruma aumezmu tempu mós iha parte seluk oinsa atu hanorin ema sai kritikál thinking oinsa atu hanoin ne’ebé kreativu analiza ba situasaun reál duni.
“Oinsa ami atu foti algudaun durante ne’e, ami foti dadus sira tanba ami sidauk komprende di’ak kona-ba parte tékniku debate oinsa atu debate ho di’ak, ho nune’e husi formasaun ne’e ami agradese loos ba ekipa APFT tanba bele organiza ami mai aprende buat sira hanesan ne’e, ne’e maka buat ne’ebé ami presiza atu halo maka hanesan oin primeiro hau dehan ona katak presiza faktu, preparasau no iha parte seluk mós ita presiza respeita kada parte por parte iha debate nia laran” hakotu Nia.
Entretantu formasaun ne’e hetan suporta husi Sekretaria Estadu Juventude no Desportu (SEJD) no alumi Parlamentu Foinsa’e sira mak fó formasaun.
Estajiadu : Azelio da Cruz & Cricência Fereira
Asisten Editora : Juvita dos Santos.
