Lafaek News–Timor-oan nain haat kompostu husi feto 3 mane 1, segunda (16/08/2021) remata estudu online iha Pusat Budaya Indonezia Dili hodi kontribui ba prosesu dezenvolvimentu Timor Leste.
Diretor Pusat Budaya Indonesia Dr,Achmad Tavip Saya M. Si. informa estudante nain 4 simu graduasaun online iha Pusat Budaya Indonezia, graduasaun ne’e kompostu husi feto 3 no mane 1 durasaun fulan 3 estuda liu kona-ba natureza.
“Sira estuda kona-ba moris natureza atu nune’e sira bele hadomi sira nia natureza no hadomi mundo tanba iha tempu agora joven balu de’it mak sibuk ba natureza no joven barak seidauk komprende natureza, ntaun ha’u hanorin sira oinsa atu hadomi natureza, natureza nee importante loos mai ita ema “nia haktuir “Dr.Achmad Tavip Saya .M.Si.
Dr.Achmad Tavip Saya .M.Si. sente kontente bainhira haree joven Timor Leste, hadomi natureza iha Timor fo fresku ba ema hotu ne’ebe moris iha rai ne’e, presiza kuidadu atu Timor nia natureza labele sai fali lixu.
“Ha’u kontente los bainhira haree joven Timor hadomi natureza no natureza TL fo fresku mai ita ita tenke kuidadu natureza no ita labele halo fali natureza sai fatin sampa,” katak Achmad.
Iha fatin hanesan, Anacleto R.C. Soares reprezentante formandus sira haktuir, iha formasaun ne’e aprende kona-ba aihoris sira atu oinsa bele kuidadu flora no fauna atu bele hetan hahan ka produsaun husi floresta ne’e rasik.
“Floresta ne’e mak ita kuda barak refloresta aihoris sira ne’ebe ita estraga hotu bonita halo fali inovasaun hodi halo hanesan kempin ka restaurante iha floresta ne’e rasik ne’ebe akontese hanesan uma duut iha Maliana hau rasik Korban topik kona-ba ida ne’e, no kolega sira seluk mos ko’alia hotel boot ruma ne’ebe nakonu ho floresta, e ida ne’e mos durante fulan 3 ami aprende ho kolega sira ami serin ideia ba malu oinsa realiza inovasaun sira ne’ebe iha,” haktuir nia formandu Anacleto.R.C.Soares.
Estajiadu : Tome Soares
Editor : Agapito de Deus
