Lafaek News–Pasiente Nain 3, mane 2 no feto 1 Hakotu Iis Ho Covid-19, Iha Izolamentu Vera Kruz, no Total Óbito (mate) 33
Rui Maria de Araújo, informa, total óbitu ne’ebé relata iha loron 16 Agostu 2021:3 (tolu), ho detallu hanesan tuir mai; Mane, idade 60, Timoroan, hela iha Dili, diagnostikadu iha 15 Agostu 2021, ho sindroma insufisiénsia respiratória aguda (SIRA) tan bá Covid-19 (Teste PCR nia rezultadu pozitivu, Cycle Threshold: E gene 30,4).
“Metebian iha istória insufisiénsia renal krónika (estádio terminal), no hala’o hemodiálize semana ida dala rua, Matebian iha mós istória ipertensaun arterial ho diabetes, Transfere ba Vera-Kruz iha 14h00, no hala’o tratamentu, tuir protokolu tratamentu ba Covid-19, Maizoumenus 17h30 dia 15 Agostu, matebian i’is kotu tan bá multiple organ failure, no Teste PCR hafoin i’is-kotu nafatin pozitivu (CT E gene 31,3),” edplika koordenadór forsas tarefas ba prevensaun no mitigasaun surtu covid-19 iha Timor-leste, Rui Maria de Araújo, liu husi komunikadu imprensa, Segunda (16/08/2021)
Nia hatutan, Mane, idade 76, hela iha Dili, diagnostikadu iha loron 14 Agostu 2021, ho sindroma insufisiénsia respiratória aguda (SIRA) tan bá Covid-19 (Teste PCR niabresultadu pozitivu, Cycle Threshold: E gene 23,3), Transfere ba Vera Kruz iha loron ne’e kedas, no hala’o tratamentu, tuir protokolu tratamentu ba Covid-19, Mais-menus 19h00 iha 15 Agostu, matebian i’is kotu, tan bá tromboembolizmu pulmonar, no Teste PCR hafoin i’is-kotu nafatin pozitivu (CT E gene 12,2).
Governante ne’e hatutan, Feto ho idade 63, Timoroan, hela iha Dili, diagnostikadu iha loron 12 Agostu 2021, ho sindroma insufisiénsia respiratória aguda (SIRA) tan bá Covid-19 (Teste PCR nia rezultadu pozitivu, Cycle Threshold:, E gene 21), metebian iha istória moras leusemia ho anemia grave, transfere ba Vera-Kruz iha loron ne’e kedas, no hala’o tratamentu, tuir protokolu tratamentu ba Covid-19, Maizoumenus dader 5h30 iha 16 Agostu, matebian i’is kotu tan bá parajem cardioresporatória, no Teste PCR hafoin i’is-kotu nafatin pozitivu (CT E gene 24,4).
Nune’e, matebian nain 3 ne’e nia familia kordena ona ho ekipa saúde atu hala’o funeral tuir protokolu ne’ebé adopta iha Timor-Leste.
Enkuantu, Kazu detetatu foun ne’ebé relata iha 16 Agostu 2021: 117 (iha Dili 68, Kovalima 15, RAEOA 10, Aileu 6, Ainaro 3, Likisa 6, Manufahi 5, Vikeke 1, no kazu rekuperadu ne’ebé ralata ohin hamutuk: 41, total kazu ativu ohin hamutuk: 2.141, no total kazu konfirmadu kumulativu iha 16 Agostu 2021 (sura husi 21 Marsu 2020): 12.682.
Jornalista : Sandi Belo
Editór : Agapito de Deus
