LafaekNews–Governu liu husi ministériu Edukasaun Juventude no Desportu (MEJD) promete sei implementa programa konstrusaun no reabilitasaun ba infra-estrutura edukativa hamutuk eskola 221 no sala de aula besik 680 iha territóriu Nasionál
Vise-ministru Edukasaun Juventude no Desportu( V-MEJD), António Guterres, hateten, hanesan ohin ha’u hateten ona iha 2021 nian MEJD iha responsabilidade atu implementa ba projetu infra-estrutura edukativa hamutuk eskola 221 no porvolta 680
“Hanesan ohin ha’u hateten ona iha 2021 nian MEJD iha responsabilidade atu implementa ba projetu infra-estrutura edukativa hamutuk eskola 221 no porvolta 680 sala de aula no sei to’o ba 800,” dehan Vise MEJD, Antonio Guterres, ba jornalista sira iha Salaun edukasaun Naun formal Vila-Verde Dili, Kuarta (11/08/2021).
Governante ne’e hatutan, ba da-daun desiminasaun ba mata dalan implementasaun projetu komunitáriu nian ne’ebé kompostu husi nivél nasionál, benifisiáriu ba projetu refere hamutuk eskola 196, fundus husi transferénsia publika tenke aloka ba tinan 2021, ba infra-estrutura hamutuk 20 milloens itál ne’ebé konsentra ba iha kategoria transferensia públika.
Vise MEJD Antonio afirma, tuir lolos projetu ne’e implementa ona maibé, durante ne’e situasaun pandemia covid-19, tan ne’e foin hahú faze ne’e normal no Ministériu Edukasaun halo desimanasaun ba berifisiáriu sira iha eskola hotu iha territóriu.
Jornalista : Sonia de Almeida
Asisten Editora : Juvita dos Santos
