Lafaek News—The Asia Foundation nu’udar organiasaun la lukrutivu naun-governametal iha Timor Leste, ohin (11/08) distribui sertifikadu ba formandu nain 25 ne’ebé remata ona kursu kona-ba area servisu sosial liu-liu sistema justisa formal no informal.
Tuir koordenador programa oficce nabilan, Zelia Mira Gomes, hatete, formandu nain 25 ne’ebé kursu durante fulan tolu no ohin tama ona faze gradausaun ba etapa da-haat nian hodi ida ne’e distirbui mos sertifikadu ba sira.
“Ita realiza serimonia graduasaun ba partisipante sira hodi simu sertifikadu, tanba kursu ne’e, la’os kursu bain-bain, kursu ne’e akredita tia ona, hetan akreditasaun husi INDIMO, formandu sira ne’e kompleta kursu setifikadu 3 servisu sosial, mak introdusaun ba servisu sosial, enkuadramentu legal sistema justisa formal no informal iha timor-leste,” dehan koordenador programa oficce nabilan, Zelia Mira Gomes ba lafaek news iha Salaun Asia Fundation Pantai Kelapa, kuarta (11/08/2021).
Nia hatutan durante kursu fulan tolu formandu sira aprende mos kona-ba jestaun kaju no mos iha topiku balun relasaun ho atividade prevensaun ba iha violensia hasoru feto.
Iha fatin hanesan Instiututo Nasional Desenvolvimentu Mão de Obra (INDIMO) Amandio Belo, informa, atu garante kreatividade formasaun bazeia ba nivel sertifikasaun sira liu husi nasional kualifikasaun emprego mão de obra ne’ebé estabelese ona iha tinan 2011 to agora.
“Atu garate formasaun ne’e, kualidade diak, tuir ita nia ejijensia rai-laran, presija formasaun hirak ne’e, legalija tuir iha ita nia estrutura kualifikasaun nasional, agora dadauk ita koalia kona ba vokasional premiun, dejenvolve pakote formasaun sira ne’e, tenki hetan akriditasaun husi instituisaun dezenvolvimentu mão de obra,” dehan Amandio.
Enkuantu iha okaziaun ne’e nia informa ba graduadu sira katak ba oin atu garante ho kualidade maka formandu sira presija implementa eperiensia ne’ebé durante aprende iha formasaun liu-liu iha area servisu sosial nian.
Estajiadu : Francisco F. de Andrade
Asisten Editór : Pedro de Almeida
