Lafaek News–Xefe Estadu Maiór Jenerál FALINTIL, Forsa Defeza Timor Leste( FDTL), Tenete Géneral Lere Anan Timur hateten reforsa PNTL no F-FDTL iha fronteira fizikamente labele rezolve problema, husu komunidade iha Fronteira nia konsensia hodi kontrola ema tama sai ilegal.
Tenente Jenerál Lere Anan Timur, hatoo asuntu ne’e hafoin hasoru malu ho Prezidente Repùblika Fransisco Guterres Lú Olo, kuarta (11/08/2021) iha Palasiu presidensial Bairu-Pite Dili.
“Atu asegura seguransa fronteira loron loron ita ko’alia dehan reforsa, reforsa liñha ba seguransa iha fronteira, ita reforsa de’it Fizikamemte la resolve problema tanba ne’eba rai luan,” afirma Tenente Jenerál Lere Anan Timur.
Fitun tolu ne’e akresenta tan, Fronteira Timor Leste ho Indonézia hanesan uma tatis kona malu, bee matan ida de’it, animal ba han duut iha fatin ida de’it, halo toos iha fatin ida de’it, tantu iha Fronteira Oe-Kusse, Maliana, no iha Suai .
“ita tenke konsiente katak se ha’u fasilita ilegais sira ne’e ha’u rasik mak hakarak transmite moras ne’e ba ita nia rai, ita nia maluk sira Timor oan,” Tenik Jeneral.
Jornalista : Rita Moniz
Editór : Agapito de Deus
