Lafaek News—Prezidente Ezekutiva Bee Timor Leste, Carlos Peloi dos Reis, husu kompañia Consulting Dongsung atu finaliza relatóriu final iha tempu badak ba estudu viabilidade dada bee mos husi Ermera ba Dili.
Prezidente Ezekutivu BTL hatoo asuntu ne’e, bainhira estajiadu media lafaek news halo hela intervista iha salaun konferensia hotel JL. Vila, Aimutin-Comoro,
“Foin dadauk semana kotuk segunda no kinta feira ita hamutuk ho ita nia parseiru inplementador Kompañia Consulting Dongsung, sira aprezentas sira nia estudu liu liu liga ba sira nia relatoriu final. Ami iha tekniku sira husi ADN, MPS, MPO inklui husi ANA BTL fó ami nia observasaun balun ba sira nia relatoriu final ne’e para sira bele finaliza nune’e iha tempu badak ita bele konklui ona estudu ida ne’e,” dehan, Carlos lafaek news oiha JL.Villa Fatuhada, segunda (09/08/2021).
Prezidente BTL ne’e esplika, Rezultadu pre-elimináriu ne’ebé kompañia halo ona aprezentasaun ne’e bele viabilidade, maibé kompañia presiza relata informasaun sira ne’ebé ho detailadu liu-liu liga ho power generaration ne’ebé bele uza hodi dada bee.
“Ita uza power sira ne’e ita bele generate eletresidade ho forsa hira, ninia economic analyses ne’e liga ba fotores sira ne’ebé que sira prime ne’e, presiza esplika klean liu tan para ita bele simu relatoriu ida ne’e tamba sira nia relatorio sei buat balun espesifiku mais buat balun sei geral hela no hakarak sira mai mais espesifiku liu tan antes ita aprova sira nia relatoriu ida ne’e,” Carlos dehan.
Prezidente Ezekutivu ne’e akresenta, espera iha tinan 2021 kompañia finaliza ona estudu viabilidade dada bee mos husi barazen rua iha Ermera, ida iha Gleno no Railaku bele finaliza ona atu tinan ohin mai bele lansa ona projetu ba estudu detailadus atu haree mos orsamentu ne’ebé sei koloka ba iha projeitu refere.
Estajiadu : Simão Fraga/Azelio da Cruz
editór : Agapito de Deus
