LafaekNews—Prezidente interinu Patidu Os Verdes, relata kestaun rejistu Partidu nian ba Primeiru ministru Taur Matan Ruak, tanba to’o agora seidauk hetan legalidade husi tribunal hodi sai partidu ida ne’ebé legál.
Tuir Prezidente partidu Os Verdes, Antonio Lela-Huno da Cruz, Partidu Os Verdes aprezenta iha primeiru Ministru tanba liga liu Partidu Os Verdes tanba iha nasaun barak eziste ona ho pensamentu ida hakarak atu hari sosiedade ida ne’eb’e inkluzivu, rezilente nomos sustentavel multidimensional.
“Ha’u mai aprezenta iha primeiru Ministru liga liu Partidu Os Verdes iha nasaun barak eziste ona ho pensamentu ida hakarak atu hari sosiedade ida neebe inkluzivu, rezilente nomos sustentavel multidimensional tanba ida-ne’e mak hau mai hato’o ba primeiru ministru”dehan Antonio Lela-Huno da Cruz, ba jornalista sira iha Rezidensia PM, Farol, Dili (10/8/2021)
Tuir lider Partidu Os Verdes ne’e, dezafiu ne’ebé mak Partidu Os Verdes hasoru mak liga ba prosesu rejistu partidu ninian, iha tinan ida-ne’e rejistu partidu lubuk ida, no kuaze hasoru situasaun diferente ho partidu sira ne’ebé mak uluk rejistu tiha ona tanba agora atu partidu sira atu rejistu presiza komprovasaun da identidade agora ne’e ita la’os de’it hatama kartaun eleitoral maibé identidade pessoal sira hanesan billete Identidade tuir Lei Partidu Politika artigu 13 numeru 3,
“Ami husu ba primeiru ministru atu hato’o lia menon ba ami nia partidu, membru tomak hanesan avo sira hateten karik husu avo sira fo bensa, bua malus, buras no matak malirin ba partidu Os Verdes hodi konsistente no determinante atu lori partidu nee too nia objetivu final,”dehan Antonio
Prosesu dokumentus tomak iha tinan kotuk hetan indeferimentu husi tribunal nomos indeferimentu husi ministériu justisa no ona aprezenta rekursu ba tribunal no tribunal afavor ba desizaun ministériu justisa nian katak aprezenta mós kartaun komprovativa sira seluk hodi rejista partidu tamba ne’e maka preparasaun Partidu Os Verdes 75% ona hodi ba rejista fila fali, esplika Prezidente Partidu Os Verdes, tenik Antonio.
Estajiadu : Hermenegildo Bubun
Asisten editór: Egidio Nono
