Lafaek News-Ministériu Solidariedade Sosiál no Inkluzaun (MSSI) ba da-daun ne’e iha de’it ona kareta funeráriu 5 maka sei funsiona ho di’ak iha nivél nasionál, maibé iha munisipais MSSI entrega ona ba munisípiu ida-idak atu jere.
Diretór Jerál Solidaridade Sosiál no Inkluzaun (MSSI), Rui Manuel G. Exposto hateten, bazeia ba Dekretu lei No. 3/2016, ko’alia ba dezentralizasaun, asaun sosiál no dezastre naturais MSSI nasionál sei entrega ba munisipiu mak jere rasik.
Neduni da’daun ne’e MSS iha karru funeráriu lima (5) sei funsiona ho di’ak iha servisu nasionál, maibé iha servisu munisipais bazeia ba dekretu lei mensiona no Ministériu Solidariedade Sosial no Inkluzaun (MSSI), servisu nasionál ne’e atu atende ba funebru iha territóriu bainhira mate no pasiente ne’ebé mai husi munisipiu baixa iha Ospitál Nasionál Gidu Valadares (HNGV), ka mate iha munisipiu Dili maka sei jere funebre ba matebian refere.
“Desentralizasaun MSSI entrega ona ba Munisipiu ida-idak atu jere, neste momentu ita iha nafatin problema ho atendimentu ba funeráriu tanba ita haree katak númeru ba ema mate ne’e loron ba loron aumenta, ne’e maka dalaruma iha atendimentu funeráriu ne’e sempre mosu problema hanesan ita observa, dalaruma sira tula de’it iha anguna no pick up balun tanba atendimentu karru funerariu iha nivél nasionál atu tula matebian ida mate iha HNGV ba liu munisipiu ne’e dalaruma kareta lima ne’e uza hotu entaun problema iha ona ba atendimentu loro-loron,” dehan Diretór Jerál Solidariedade Sosiál no Inkluzaun, Rui Manuel Exposto, ba Lafaek News iha nia kna’ar fatin KaiKoli Dili, foin lalais ne’e.
Diretor ne’e akresenta, iha tinan 2021 Ministériu Solidariedade Sosial no Inkluzaun (MSSI) hola tan kareta lima maibe iha hela prosesu aprovizionamentu espera katak to’o dezembru kareta sira ne’e bele to’o mai nune’e bele suporta atendimentu iha munisipiu Dili.
“Ita espera katak to’o iha dezembru kareta sira ne’e bele to’o mai ona para bele ajuda suporta atendimentu iha munisipiu Dili nian” informa Nia.
Nia Afirma, Kada munisipiu iha kareta, munisipiu balu sira fó kareta rua, balun sira fó kareta tolu no balu kareta ida maibe ne’e jere husi administradór Munisipiu no Prezidente Autoridade sira, neduni lha munisipiu Dili prezidente autoridade fó hela kompetensia mai MSS atu jere nafatin maibe ne’e jere ba atendimentu funebre iha dili laran no MSS mós fó atendimentu iha nivél territóriu nasionál bainhira pasiente ruma mai mate iha HNGV hakarak lori ba nia munisipiu ne’e mak MSS nia kompeténsia.
“Maibé hanesan ha’u hatete kareta iha lima de’it maka ho kondisaun di’ak dalaruma kareta lima ne’e halo hotu atendimentu ba munisipiu tula mate ba hotu munisipiu ida no dala ruma atendimentu iha dili problema fali bainhira ema ruma mate iha dili, dalaruma atu ba igreja hein kareta funerariu kleur ne’e tanba movimentu kareta sira ne’e okupadu hotu entaun ita la konsege rezolve ho di’ak” katak Nia.
Enkuantu dadaun ne’e tau iha planu 2021 atu hola tan karru funeráriu lima nune’e bele apoiu tan kareta lima ne’e halo sanulu pelumenus bele fó atendimentu, maibé sempre iha problema tanba situasaun covid neduni halo númeru mate ne’e mos laos oituan.
Neduni mekanizmu sekarik nia mate iha ospitál familia foti deit dia de óbitu husi ospitál ba iha servisu atendimentu funeráriu iha Bemori atu nune’e sira bele trata ona prosesu admistrativu oinsa bele hetan atendimentu. Karik nia mate iha Dili mak presija hetan atendimentu familia direitamente lori matebian nia identidade ruma ba iha bemori iha servisu atendimentu funerariu nian entaun sira bele fó atendimentu.
Estajiadu : Azelio da Cruz/Simão João Mira Fraga
Asisten editora : Juvita dos Santos
[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]
[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]
[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]
