Lafaek News–Estrada liga postu administrativu Lolotoe munisípiu Bobonaru kondisaun at no susar liu ba povu kiik ne’eb moris hanesan agrikultor hodi lori produtu lokal fan iha merkadu sustenta nesesidade uma laran inklui selu oan sira nia eskola.
Xefe Suku Zildapil, postu administrativu Lolotoe, munisípiu Bobonaru, Emilio Noronha informa, sira sente triste tebes estrada ne’ebé kondiaaun at , maske Timor Leste ukun aan tinan 20 ona, maibé estrada nafatin aat iha komunidade nia leet.
“Maske ita nia nasaun hetan ukun aan kleur ona maibe Estrada iha ami nia suku Zildapil la sufisiente ba komunidade sira atu asesu ba merkadoria hodi faan netik aihan lokal ruma hodi sustenta nesesidade uma laran,” dehan Xefe Suku Zildapil Emilio ba Lafaek News iha Zildapil Bobonaru, kuarta 04/08/2021.
Emilio afirma, iha postu administrativu Lolotoe, estrada la’o at de’it iha suku Zilapil maibé estrada ligasaun sukus too aldeia tomak iha postu administrativu refere grave total no hatteras liu povu kiik sira ne’ebé depende moris agrikultura atu lori produtu lokál ba merkadu.
“Estrada iha suku Zildapil kondisaun grave susar tebes maibe iha postu Lolotoe munisipiu bonanaru laos ami deit mak asesu iha estrada aat tanba suku sira iha postu Administrativu Lolotoe maioria mak estrada kondisaun grave,” nia deklara.
Autoridade lokal suku ne’e husu ba ministériu relevante atu responde lalais komunidade nia preukupasaun ida ne’e atu komunidade sira iha suku bele asesu merkadoria iha sira nia Postu no munisípiu.
Observasaun Lafaek News nia iha terenu katak, estrada ne’ebé komunidade suku Zildapil asesu ne’e, kondisaun grave tebes, tanba estrada laran nakonu ho fatuk no rai kuak inklui rai rahun hodi fo impaktu ba komunidade nia saúde no susar ba komunidade sira asesu merkadoria buka osan sustenta nesesidade uma laran inklui ho oan sira nia eskola.
Jornalista : Orlando Magno
Editór : Agapito de Deus
