Lafaek news–Koordenadór Nasionál Rede ba rai, Horténcio Pedro Vieira deklara, rede ba rai nudar organizasaun sosiedade sivil ho membru 24 kompostu husi ONG local nasionál no internasional atu servisu ba asuntu rai no hela fatin iha Timor Leste, más la impede dezenvolvimentu ne’ebe Governu halo.
‘’Rede ba rai iha dever atu defende direitu ba rai komunidade sira nian atu nune’e kualker dezenvolvimentu ne’ebe estadu Timor Leste implementa tenke bazea ba lei ne’ebé vigor no diknifiku ba povu,”. hatete koordenador nasionál Rede Ba Rai, Horténcio Pedro Vieira liu husi komferénsia imprensa ba jornalista iha sede suku Motael, tersa (03/08/2021)
Tanba ne’e Rede ba rai hala’o nia servisu tuir estatutu, prinsípiu no vizaun rede ba rai katak, povu Timor Leste ne’ebe moris nafatin ho direitu no asesu ba rai no hela fatin iha Timor leste ne’ebe justu no sustentavel.
Horténcio hateten komunidade barak sente katak sira laiha forsa wainhira estadu atu foti rai komunidade sira nian ba dezenvolvimentu hodi komunidade sira mai rejistu kazu iha rede ba rai atu husu tulun hodi akompañiamentu sira iha parte jurídiku nian, tanba rede ba rai eziste ho ekipa legal ne’ebe kompostu husi abvogadu sira
Liu husi servisu akompanhamentu kazu ne’ebe rede ba rai halo no publika iha media, hanesan kazu sidade universitari Aileu alargamentu kuartel jeral PNTL, Kaikoli, konstrusaun aeroportu Komoro, arte moris no gembel.
‘’Dala ruma hamosu presepsaun iha públiku katak Rede Ba Rai ou organizasaun sosiadade sívil sira mak impede lala’ok dezenvolvimentu,’’ katak Horténcio.
Nia hatutan,ho razaun hirak ne’e rede ba rai nudar organizasun sosiadade sivil husu ba iha instituisaun estadu nomos ba iha públiku tomak atu labele iha presepsaun ida katak organizasaun sosiadade sivil sira mak sempre impede dezenvolvimentu, tan ne’e rede ba rai husu ba iha estadu Timor Leste atu labele hare rede no organizasaun sosiedade sivil sira seluk nu’udar inimigu husi estadu, tanba rede ba rai sempre sai parseiru husi instituisaun estadu Timor Leste
Rede ba rai mos fo hanoin ba iha estadu timor leste, rezultadu monitorizasaun no relatóriu peskiza sira ne’ebe rede ba rai publika hakarak fo tulun ba iha estadu atu bele implementa dezenvolvimentu iha Timor Leste tuir lei no labele halo povu Timor Leste sai vítima ba dezenvolvimentu ne’e rasik
Jornalista : Abekha Rai-Husar
Editor : Agapito de Deus
