Lafaek News–Kazu Pozitivu Covid-19 Foun 118, Ermera 65, Dili 26, Kovalima 13, Baucau 2, Bobonaro 2, Manatutu 2, Raeoa 2, no Vikeke 8, kazu rekuperadu 49, kazu ativu 1.084.
Koordenadór forsas tarefas ba prevensaun no mitigasaun surtu covid-19, Rui Maria de Araújo, relata Kazu detetatu foun iha 3 Agostu 2021: 118 (iha Dili 13, Ermera 65, munisipiu seluk hamutuk 40), husi total kazu detetadu foun ne’e: mane 73, feto 45, kazu detetadu foun hirak ne’e ho idade 12:4, ho idade entre 12-59 nain 109 (92,3%), ho idade 60:5, no husi total kazu detetadu foun ohin, 39 kazus ka 33,1% maka sintomátiku (hatudu sintomas).
“Kazu rekuperadu ne’ebé ralata ohin hamutuk: 49, kazu ativu ohin hamutuk:1.084, no total kazu konfirmadu kumulativu iha 3 Agostu 2021 (sura husi 21 Marsu 2020): 11.100,”esplika koordenadór ne’e liu husi komunikadu imprensa, Tersa (3/08/2021)
Nia informa, númeru kazu pozitivu hahú aumenta maka’as iha Munisipiu Ermera, iha 24 Jullu 2021, no to’o ohin, 3 Agostu 2021,Munisipiu Ermera iha kazu ativu hamutuk 588 (54,2% husi total kazu ativu nasional), nune’e kazu foun ne’ebé relata iha Ermera, 30 (46,2%) maka sintomátiku ka hatudu sintomas.
Rui Maria de Araújo, hatutan, iha 3 Agostu 2021, izolamentu Vera Kruz halo tratamentu ba kazu detetadu nain 18, iha área obstetrisia nain 7, iha medisina interna nain 6, iha sirurjia nain 4, pediatria 1, sira nain 5 iha obstetrisia, kategoria leve (mild) hotu, sira nain 6 iha medisina interna, kategoria leve (mild) hotu, sira nain 4 iha sirurjia, kategoria leve (mild) hotu, no ida iha pediatria, kategoria leve.
Jornalista : Sandi Belo
Editór : Agapito de Deus
