Lafaek News–Polísia Nasionál Timor-Leste (PNTL), liu husi Departamentu Polísia Tránzitu (POLTRAN) Seguransa Rodaviáriu, sesta 30/07/2021, halo pasa revista prende motorizada 88 kareta kanu resin 1 no mos kareta estadu 1.
Sub Xefe, Departamentu Tránzitu Seguransa Nasionál Rodaviáriu, Inspetor xefe Inocéncio Freitas informa, Tránzitu Nasionál halo pasa revista tanba atividade rutinas husi Diresaun Nasionál Tranzisaun Seguransa Rodaviáriu.
“Ami nia tarjeitu halo pasa revista ba motorizada no-mos ba kareta estadu no kareta privadu sira ne’ebe la uza xapa matríkula, nia operasaun ne’e ami tilan motorizada 88, kareta estadu ida tanba la uza plat kotuk no mos ida seluk kareta privadu uza kanu resin,” dehan Sub Xefi DTSNR Inocensio ba jornalista iha areadores komandu jerál PNTL, kaikoli Dili, sesta 30/07/2021.
Inocéncio esplika, transporte ne’ebé tránzitu prende, tanba motorista sira laiha karta kondusaun no balu laiha xapa matrikula, tenke regulamentu rodáviariu.
“Ami seidauk hatene loos kareta governu nia ne’e husi parte ne’ebe maibe ami sei identifika kareta ne’e husi ministeriu ida ne’ebe tan ne’e ami fiskaliza viaturas governu nian,” nia afirma
Tuir nia, ema ne’ebé lakohi kolabora ho parte seguransa mak nia sei hetan ne’ebé máximu hanesan kareta granmax ida ohin membru tránzitu haruka para, maibé kondutór ne’e lakohi kolabora entaun nia aselera liu tiha.
“Ami iha obrigasaun hodi buka sira ne’ebé ladún koopera ho ami entaun ami sei fo sansaun máximu, maibé sira ne’ebé koopera ho ami entaun ami fo sansaun ne’ebé mínimu, tanba ami ko’alia di’diak ho sira, maibé sira la satisfas ho regra lalulintas,” Inocéncio deklara.
Inocéncio argumenta, motorizada ne’ebé hetan tilan, tanba motorista sira maioria laiha karta kondusaun, maibé parte seguransa nafatin respeita drekretu lei nú 18/2021, no mos iha 2015 nian iha artigu 21 no númeru 1 hatete sai ona katak, dokumentu kareta nian ka karta kondusaun ne’ebé mate durante iha estadu emerjénsia sira sei konsidera, maibé laiha liu tenke prende.
“Ema hotu-hotu lori kareta ka motorizada sai ba luron tenke iha karta kondusaun mak lori tranporte asesu iha dalan publiku tanba Ikus ikus ne’e ita haree asidente barak tan ema laiha karta kondusaun mos hakarak lori transporte asesu iha dalan publiku,” nia afirma.
Entretantu tuir observasaun jornalista Lafaek News nian iha terenu nota katak, iha pasa revista ne’e mosu dezintendimentu entre motorista balu ne’ebé lakohi koopera ho parte Polísia Tránzitu, maibé ikus rezolvidu.
Jornalista : Orlando Magno
Editór : Agapito de Deus
