Lafaek News-Ministru Koordenadór Asuntus Ekonómiku (MKAE) Joaquim Amaral relata prosesu Timor Leste, nia adezaun ba Organizasaun Munidiál Komersiu (OMK) ba Organizasun Mundiál Komérsiu intermus preparasaun ba ronde daruak grupu traballu ba loron 29 fulan Jullu 2021.
“Ita sei partisipa reuniaun virtual fatin iha Ministériu Negosiu Estrangeiru (MAE) 29 de jullu tuku 10 dadeer iha jenebra, tuku 4:00 lorokraik Oras Timor-Leste”.dehan Joaquim ba jornalista iha Rezidensia PM Farol,sesta semana ne’e.
Governante ne’e akresenta, prosesu Timor Leste nia adezaun ba organizasaun mundial komérsiu fó vantajen barak ona no primeiru parte ona husi polítika esterna Timor-Leste nian atu hola parte iha ASEAN.
Ho nune’e, ekipa Timor Leste partisipa enkontru traballu nivél altu ho virtuál ba iha prosesu adezaun ba organizasaun mundial no Komérsiu halo parte mós iha organizasaun mundiál komérsiu sei fo vantajen bo’ot tebes ba ekonomia no investimentu Timor Leste.
“Ita atu bolu estranjeiru sira mai investe iha rai-laran presiza seguransa, ida ne’e iha aspetu lubuk bo’ot ida presiza iha lejislasaun hodi proteje sira nia direitu iha ambiente negósiu di’ak” afirma Nia.
Iha rekezitus sira ne’e sei ajuda Timor Leste aselera nia prosesu reforma interna sira no seguransa ba iha ambiente seguransa ne’ebé saudável tebes,tanba ne’e governu tenke halo parseria ho setór privadu Nasionál no Internasional iha prosesu dezenvolvimentu.
Jornalista : Juvita dos Santos
Editór : Agapito de Deus
