Lafaek News–Liu husi despaixu Ministeriál no 044/2021,De 22 De Juñu Ministériu Justisa (MJ) reativa atividade visita familia populasaun prizional hahú segunda husi loron 26 fulan jullu tinan 2021.
“Iha Dexpaixu refere eselentizmu Ministériu Justisa fó ordem ba estabelesimentu prisionál Bekora, Suai-Glenu atu restabelesidu norma rejime vizitas ba populasaun prizionál sira,’’ hateten Diretór estabelesimentu prizionál Bekora João Domingos ba Lafaek News iha liu husi via Whatsapp Sesta (23/07/2021).
ho nune’e estabelesimentu husi prizaun Bekora hahú simu fali atividade vizita família ba maluk populasaun prizionál sira Iha segunda, loron 26 fulan jullu tinan 2021, no oras mantein tuir oraríu anterior.
Diretór ne’e dehan, vizitante ne’ebé sujeita ba Instrusaun sira hanesan aprezenta prova identidade ne’ebé válidu hanesan kartaun eleitóral, Billete Identidade (BI), passaporte no dokumentu seluk presija tuir regulamentu ne’ebé iha.
“vizitante sira renke iha kartaun vasina, relasiona ho aktu ba Prevensaun Covid-19 no permite vizitante nain ida ho hasoru malu ho populasaun prizionál nain ida no visitante tenke sujeita ba regras organizasaun mundial saude (OMS) medidas prevensaun Covid-19 tenki uza maskra,fase liman ho sabaun no distansiamentu sosiál, no labele kaer liman hakuak malu Inklui rei malu,” diretor deklara.
Diretor salienta, total priozoneirus ne’ebé estsabelese iha prisaun Bekora hamutuk 536 husi número ne’e maka husi prisaun preventiva no kondenada, husi dadus ne’e timor oan Inklui mos ema estranjeiru.
‘’Prizaun kondenadu 411 no prizaun preventiva 125 ho total 536 Inklui husi nasaun Indonesia nain 6,filipina nain ida,xinéza nain rua,australia no nain ida no indiana nain ida inklui mos ho eis. PNTL nain 7,eis. F-FDTL nain 3 no dadur minoridade ka juvenil nain 27 iha prisaun preventiva ema nain 10 no prisaun kondenada nain 17,’’ Hakotu Diretor.
Jornalista : Manuel Andrade
Editór : Agapito De Deus
