Lafaek News–Ministériu Ensinu Superior Siénsia no Kultura (MESK), sesta (23/07/2021), ofisialmentu asina akordu liu husi nota entendimentu (MoU) ho operadór tolu kompostu husi Telemor, Timor Telekom no Telkocel hodi fasilita pulsa ba estudante nivel ensinu superior ne’eb akreditadu.
DiretórJerál Administrasaun Finansas (MESSK), Ernanio da Costa Soares, informa ohin asina kontratu ho kompañia tolu ho objetivu atu fo apoiu estudante ensinu superior sira ne’ebe akreditadu husi Ministeriu Ensinu superior.
“Ohin ami asina kontratu 2 husi kompañia tolu atu apoiu pulsa ba estudante sira ensinu superior 12 ne’ebé akreditadu iha Ministériu ensinu superior, segundu atu fo apoiu liña internet ba instituisaun Ensinu Superior privadu sira, tanba UNTL ho IPB la inklui universidade privadu 16 mak hetan liña internet ho apoiu ne’ebé ministeriu halo husi kompañia tolu,’’ informa Ernanio da Costa Soares ba jornalista sira edefísiu MESSK Kolmera, Sesta (23/07/2021).
Dadus estudantes rejistadu iha ministériu hamutuk 64 Mill resin, pulsa ne’ebé haruka depende ba númeru ne’ebé tama ona iha MESSK, no ministeriu simu husi Instituisaun 17 nia estudantes sira ne’ebe entrega naran ho lista númeru telemovel liu husi diresaun Jerál MESSK total estudante hamutuk 38.107, númeru Telekomcel 5 mill resin, Telemor 23 mill ital no-mos TT 9 Mill ital total estudante hamutuk 38.107.
“Ami hein katak sei iha tan numeru seluk tamba numeru ne’e boot tebes hanesan hau dehan 64 Mill maibe foin mak tama 38.107 iha ministeriu Ensinu Superior pulsa ne’ebe ami Haruka ba ssira nee ita fahe ba fulan tolu, kada fulan ita Haruka $ 10 dolar kada estudante,’’ Nia esplika
Iha fatin hanesan reprezentante Kompanha TT, Ladislao Saldanha esplika, Inisiativa furak husi MESSK tanba, durante ne’e estudante sira hela hotu iha uma, maibé sira laiha atividade barak, estudante balun pulsa laiha no balun tanba eskola laiha kbiit atu tenta nia profesor sira bele fo klase online.
‘’Inisiativa diak ida nee husi MESSK katak bele iha oin 2 ida bele koneksaun eskola ida koneksaun ba estudante koneksaun eskola nian liu husi kabu dedikadu ne’e mak ohin Diretor jeral MESSK esplika ona kada universidade hetan megabit 5 no ba estidante sira sei hetan pulsa $ 10 dolar,’’ esplika Ladislao.
Maibe nia dehan, tuir Kontratu ne’ebé iha $ 10 dolar ne’e sei fahe ba rua kada loron 15 mak fo, la’os kada fulan fo hotu, tanba husi ministériu mos hanoin katak fahe hanesan ne’e atu estudantes sira labele uza hotu dala ida.
“Ha’u sente hanoin ne’ebe furak husi Ministeriu katak bele trava netik estudante sira para labele gasta pulsa lalais”, esplika nia
Jornalista : Sonia de Almeida
Editór : Agapito de Deus
