Lafaek News–Komandante Jerál Polisia Nasional Timor Leste (PNTL), Komisáriu Faustino da Costa hateten durante semana rua nia laran PNTL halo kapturasaun sidadun ne’ebe tama sai Fronteira hamutuk ema nain 9 no mós deporta ema nain 14.
“Ita bainhira kaptura sidadaun ne’e kumpri regra estadu emerjensia nian, submete ba kuarentena, bainhira sai ona, sira livre ona kuarentena mak kontinua prosesu investigasaun,”deklara Komandante Jeral PNTL Komisáriu Faustino da Costa, iha palasiu Prezidente Repùblika, kinta (22/07/2021).
Komisáriu PNTL ne’e afirma, lei hatete sira ne’ebé hakur ilegal sei mós sujeitu ba prosesu ida ne’ebe sidadaun rasik sei selu, maibé agora kona-ba parte ida ne’e administrativamente Komandu sei aprezenta de’it katak só diresaun Jerál Servisu Imigrasaun mak aplika hodi bele utiliza lei imigrasaun ninian.
Iha Sorumutu ne’e, PR husu PNTL servisu la’o nafatin buat ne’ebé kompeténsia kna’ar no responsabilidade Komandu nian, Komandu presija nafatin haree ida nee.
Jornalista : Rita Moniz
Editor : Agapito de Deus
