Lafaek News–Diretor Ospital Referal Kovalima, José Moniz Ferreira, deklara ekipamentu balu Iha ospital Kovalima la funsiona,liu-liu makina teste ran inklui kama ho esponza balu hahú aat ona.
“Ita sempre halo planu ba iha manutensaun ba iha kama no esponza sira ne’ebé mak aat ona, ami sempre halo manutensaun kada trimestral,” esplika Diretór Hospital Referal Covalima, José Moniz Fereirra, ba Jornalista sira iha nia knar fatin, Kuarta (21/07/2021)
Nia hatutan, durante ne’e halo atendimentu ba iha analiza laboratorium mak la la’o, tanba makina teste ran nian mak avaria hela durante fulan 4 ona, maibé sei rezolve iha tempu badak nia laran.
“Ami nia atendimentu sira seluk ba iha pasiente sira ne’e diak hela no lao hanesan bai-bain, no ami mós iha mediku espesialista nain 4, ne’e define iha ema boot nian 1, Obstetria 1, pediatria 1, sirurjia 1, no ami hetan mós ajuda 1 husu Cuba nia kona ba Ortopedia nian,” tenik Diretór ne’e
Mediku iha ospital referal Kovalima hamutuk 117, husi total ne’e, mediku espesialista iha nain 4, no mediku estranjeiru husi Cuba hamutuk nain 9, no mediku espesialista nain 4 ne’e estranjeiru hotu.
Jornalista : Sandi Belo
Editór : Agapito de Deus
