Lafaek News—Ministériu Saúde (MS) deteta kazu pozitivu Covid-19 foun 31, husi munisípiu haat, Dili 25, Aileu 2, Baucau 1, Viqueque 3 no kazu ativu hamutuk 739.
“Kazu detetatu foun ohin 31 (iha Dili 25, Munisipiu seluk hamutuk 6), husi total kazu detetadu foun ne’e: mane 18, feto 13,” dehan koordenadór forsas tarefas ba prevensaun no mitigasaun Surtu Covid-19, Rui Maria de Adaújo, iha komunikadu imprensa, kuarta (21/07/2021).
Nia esplika, kazu detetadu foun hirak ne’e ho idade 12:0, ho idade entre 12-59 nain 29 (93,5%), ho idade 60:2, kazu foun ohin, 25,8% maka sintomátiku.
Nune’e mós nia relata, kazu rekuperadu ne’ebé ralata ohin hamutuk 50, kazu ativu hamutuk 739, no total kazu konfirmadu kumulativu iha dia 21 de Jullu 2021 (sura husi 21 Marsu 2020):10.205.
Enkuantu nia informa, iha izolamentu Vera Kruz halo tratamentu ba kazu detetadu nain 11, iha área obstetrisia nain 1, iha medisina interna nain 7, iha sirurjia nain 3, sira nain 1 iha obstetrisia, kategoria leve (mild) hotu, no husi sira nain 7 iha medisina interna, 2 grave uza ventilador, nain 2 moderadu, nain 3 leve (mild), nune’e sira nain 3 iha sirurjia, kategoria leve (mild) hotu.
Entretantu liga ho situasaun Covid-19 iha Timor Leste konfirmadu 10,174, ativu 758, rekoperadu 9,390 nop mate 26 no iha nasaun vizinu Indonesia komfirmadu 2,950,058, ativu 550,192, rekoperadu 2,323,666 no mate 76,200.
Jornalista : Sandi Belo
Asisten Editór : Pedro de Almeida
