Lafaek News–Polísia Nasional Timor-Leste (PNTL) Detein ona suspeitu ho inisial ADS oho nia fen Rosantina dos Santos, Iha aldeia Anin-Fuik suku Madohi, hodi halo identifikasaun submete ba Ministériu Públiku.

Portavoz PNTL Superintendente Xefe Arnaldo Araujo informa, hafoin insidente ne’e akontese suspeitu halai ses husi fatin akontesimentu, Iha loron ne’e kedas, Komandu Jeral PNTL fo kedas orden ba komandante sira iha munisipiu 12 inlkui Reaoa hodi alerta no lokaliza paradeiru autor nian.

Ho razaun ne’e mak xefe SIK orienta kedas membru hodi buka tuir suspeitu konsege deteta no kaer iha aeroportu Internasional Nicolau Lobatu Komoro dili, Imediatamente transporta kedas mai iha edifisiu PNSIK hodi halo identifikasaun.

“Agora PNSIK hala’o sira nian servisu prosesu identifikasau, hein tempu badak durante oras 72 detein suspeitu ASS iha sela hafoin lori suspeitu ba aprezenta iha ministériu Públiku hodi halo prosesu tuir lei,” dehan Portavoz PNTL Arnaldo Ba jornalista liu husi Komferénsia Imprensa iha Komandu Jerál Kaikoli Dili, Sesta (09/07/2021).

Portavoz ne’e relara, atu hatene Kona-ba ninia kronolojia lolos hein prosesu investigasaun mak bele hatene klean akontesimentu refere.

Nia esplika, família ne’ebé subar suspeitu ADS agóra iha hotu prosesu nia laran, tanba liu husi prosesu mak bele hatene sira nia envolvimentu ne’e oinsá, suspeitu mak halai tama ba ka familia mak hakarak subar tan ne’e hein prosesu.

Jornalista  : Orlando MAgno

Editór          : Agapito de Deus