Lafaek News—Ministériu Agrikultura no Peskas (MAP) liu husi diresaun Koperasaun Dezemvolvimentu Institusionál, Cesar José da Cruz, afirma, orsamentu ba tinan 2022, sei tau prioridade liu programa lima atu desnvolve setor agrikultura.
“Iha 2021 ne’e ita foka liu ba iha irigasaun, no uituan ba mós diresaun sira seluk hanesan tekniku sira, maibé 2022 ne’e ita hanoin atu halo buat boot, planu nee basea ba mega programa lima ne’ebé maka iha tinan oin ministeriu sei foka , ida maka hasae produtividade, kualidade, exportasaun, rendimentu no mós hare’e ba ambiente,” dehan Diretór Jerál Koperasaun Dezemvolvimentu Institusionál MAP Cesar da Cruz, ba jornalista sira iha salaum MAP, Komoro, kinta, (1/07/2021).
Nia dehan, programa dahuluk ida atu hasae produtividade ne’e agora MAP servisu hamutuk parseiru Japaun International Cooperation Agency (JICA), hodi haree kona-ba kualidade produsaun hare.
Nia hatutan, orsamentu ne’ebé atu preve ba iha programa lima ne’e rasik parte Ministériu hamutuk ho diresaun sira hahú deskuti ona orsamentu ba programa prioridade sira antes aprezenta iha jornada orsamentál.
Enkuantu, orsamentu ne’ebé aloka programa lima ne’e ho montante rihun tolu nunulu resin ida, maibé ba orsamentu tinan oin nian, agora kada diresaun sei deskuti hela para atu hare’e prioridade saida máka atu halo iha tinan oin mai.
Jornalista : Manuel Andrade
Asisten Editór : Pedro de Almeida
