Lafaek News—Dadus ofisial ne’ebé fó sai husi sentru integradu iha atake pandemia covid-19 ema hamutuk 23 mak mate hafoin tratamentu iha sentru izolamentu Vera-Krúz no kazu foun 104 kompostu husi munisípiu 6, husi Dili 28, Ermera 60, Baukau 6, Bobonaru 2, Kovalima 1, Manatutu 2 no Vikeke 5.
“Kazu detetatu foun ne’ebé relata dia 30 de Juñu de 2021, 104 (iha Dili 28,Ermera 60 Munisipiu seluk hamutuk 16), total kazu detetadu foun ohin: mane 74, feto 30, no husi total kazu detetadu foun ohin, hirak ho idade 12:0, ho idade entre tinan 12-59 nain 98 (94,2%), ho idade 60:6, total kazu detetadu foun ohin, 1,9% maka sintomátiku (hatudu sintomas),” informa, Rui Maria de Araújo ba jornalista sira liu husi komunikadu imprensa, Kuarta semana ne’e.
Koordenadór ne’e informa, kazu rekuperadu ne’ebé relata ohin, loron 30 Juñu 2021 hamutuk 54, kazu ativu ohin, 839, kazu konfirmadu kumulativu iha sura husi 21 Marsu 2020 hamutuk 9222.
Pasiente mate (óbitu) ne’ebé relata ohin, 30 de Juñu 2021: 1 (ida), ho detallu hanesan tuir mai; Feto, idade 60, Timoroan,hela iha Komoro Dili, diagnóstikadu sindroma insufisiénsia respiratória aguda (SIRA), tamba Covid-19 (Cycle Thresehold N2gene 30,5, E gene 28,6) iha HNGV, iha 29 Juñu, mais ou menus 14h00, Matebian iha istória moras seluk hanesan diabetes, kankru iha intestinu ne’ebé naklekar ona mós ba pulmaun, hafoin transfere ba Vera Kruz matebian hetan tratamentu ba SIRA, tuir protokolu ne’ebé iha, maibé iha 17H00, matebian ii’s-kotu, Familia kordena ona ho ekipa saúde atu hala’o funeral tuir protokolu ne’ebé adopta iha Timor-Leste.
Nia dehan, Hakarak informa mós ba púbilku katak óbitu bebé fulan 7 ne’ebé relata horiseik, dia 29 Juñu, la’os hela iha Suku Bahamori, Postu Administrativu Venilale, Baukau, maibé hela iha Audian, Dili, ” Ami husu deskulpa ba lapsu ida ne’e”.
“Iha dia 30 de Juñu de 2021, izolamentu Vera- Kruz halo tratamentu ba kazu detetadu nain 14, iha área obstetrisia nain 3, iha medisina interna nain 11, sira nain 3 iha obstetrisia, kategoria leve (mild) hotu, husi sira nain 11 iha medisina interna, 3 grave/krítiku (1 uza ventilador, nain 2 uza oksijéniu), nain 1 moderadu, nain 7 leve (mild),” tenik nia
Jornalista : Sandi Belo
Editór : Agapito de Deus
