Lafaek News—Minisériu Saúde (MS) deteta kazu pozitivu Covid-19 foun 20, Díli 12, Baucau 4, Bobonaro 3, Manatutu 1, kazu ativu 801 no kazu rekuperadu 57, komulativu óbitu 21.
“Kazu detetatu foun ne’ebé relata ohin dia 28 de Juñu de 2021: 20 (iha Dili 12, iha Munisípiu seluk hamutuk 8), mane 13 feto 7, ho idade 12 : 1, idade 12-59 nain 19 (95,0%), idade 60 laiha, husi kazu ne’e 15% sintomatiku (hatudu sintomas),” esplika kordenadór forsas tarefas ba prevensaun no mitigasaun surtu covid-19, Rui Maria de Araújo, ba jornalista sira liu husi komunikadu imprensa, Segunda, (28/06/2021).
Kordenadór ne’e hatutan, kazu rekuperadu ne’ebé ralata ohin, dia 28 de Juñu 2021: 57, kazu ativu ohin 801, no total kazu konfirmadu kumulativu iha 28 de Juñu 2021 (sura husi 21 Marsu 2020): 9055.
Nune’e, husi horiseik mai ohin, dia 28 de Juñu, hamutuk hotu Laboratóriu Nasionál Saúde halo 367 testes PCR iha Dili, ho detallus hanesan tuir mai; Vijilánsia sentinela:1, Rastreiu ba kontaktu (Contact tracing):14, Rastreiu Aleatóriu (Random Screening):19, Viajen sai husi serka sanitária Munisipiu Dili: 213, Viajen internasionál:7, Followup iha quarentena:11.
Nia hatutan, total testes PCR ne’ebé halo horiseik dia 27 de Juñu iha Munisípiu sira seluk, REAOA no HNGV, hamutuk 97, ho detallu hanesan tuir mai; Baucau:30, Ermera:0, Maliana:8, Maubisse:7, RAEOA:1, Suai:9, Viqueque:7, HNGV:35.
“Ohin izolamentu Vera Cruz halo tratamentu ba kazu detetadu nain 11, iha área obstetrisia nain 2, iha medisina interna nain 9, sira nain 2 iha obstetrisia, kategoria leve (mild) hotu, husi sira nain 9 iha medisina interna, 3 grave/krítiku (1 uza ventilador, nain 2 uza oksijéniu) nain 6 leve (mild),” nian hakotu.
Jornalista : Sandi Belo
Asisten Editór : Pedro de Almeida
