Lafaek News—Sekretariu Estadu Protesaun Sivil konsege ezekuta orsamentu besik millaun $.13 responde ba dezastre naturais ne’ebé akontese foin lalais iha loron 4 fulan abríl iha teritóriu Nasionál.
Sekretáriu Estadu Protesaun Sivíl, Joaquin Gusmão hatete, ezekusaun ba materiál konstrusaun kobre mós tinan 2020 nian, tanba iha tempu ne’ebá ho de’it orsamentu duodésimu seidauk bele apoiu, iha tinan 2021 bele apoiu ba munisípiu hotu-hotu.
“Se ha’u la sala 13 Milhões ital ita ezekuta ona ba inundasaun nian, kona-ba food and non food nian ho material konstrusaun, ho situasaun jerál nian balun e balun sei iha hela aprovizionamentu”, dehan Joaquim hafoin partisipa diskusaun jornada orsamentu Tinan fiskál 2022 iha Ministériu Finansas Ai-Tarak Laran Dili, tersa (29/06/21).
Nia akresenta, tuir loloos iha loron 29 fulan-juñu tinan 2021, atu kontinua apoiu ba vítima sira iha Maliana maibé la konsege tanba jornál orsamentál tinan fiskal 2022.
“Kinta-feira mak ha’u bele ba fali Balibo no apoiu sira ba rekooperasaun komesa ona”, hatutan nia.
Entretantu orsamentu hotu-hotu iha Ministériu Interior konta hamutuk ho SEPS, tanba ne’e mak informasaun kona-ba ezekuasaun orsamentu nian iha diresaun Ministériu Finansas, Ministériu interior nian halo hamutuk.
Jornalista : Juvita dos Santos
Editór : Agapito de Deus
