Lafaek News—Konsellu Superior Defesa Seguransa (KSDS) no Konsellu Estadu (KE) sorumutu ho Prezidente Repúblika (PR) Francisco Guterres “Lú-Olo” diskute kona-ba renovasaun estadu emerjensia ba dala-16, nune’e prevene Corona Delta ne’ebé espalla ona iha nasaunn vizinu Indonézia.
“Estadu emerjensia ne’e nia medidas hanesan nafatin uluk, maibé konsiderasaun boot liu maka agora dadaun ne’e, Virus delta no alpha ne’ebé mak komesa espalla iha nasaun barak ona,” dehan Casa Sivil Prezidensiál Repúblika, Fransisco Maria de Vasconselos, hafoin enkntru ho PR iha Palásiu Presidensiál Nicolau Lobato, Segunda, (28/06/2021).
Nia hatutan, virus delta no Alpha espailla ona iha nasaun vizinu Indonézia, tanba ne’e rekomenda ba PR atu submete ba Parlamentu Nasionál hodi aprova.
“Informasaun ne’ebé mak ita simu katak, virus ida ne’e mos hahú tama ona iha Indonézia, tanba ida ne’e mak ohin governu halo pedidu mai, tan ne’e rekomenda ba Prezidente da Repúblika atu hatoo ba PN,” nia esplika.
Francisco informa, posibilidade ohin ka aban dader lori ba parlamentu nasionál atu bele diskute bainhira aprova sei lori mai Prezidente Repúblika depois sei públika iha jornal da Repúblika.
Jornalista : Rita Moniz
Asisten Editór : Pedro de Almeida
