Lafaek News – Psychosocial Recovery and Development in East Timor ( PRADET) liu hosi Programa Asistensia ba Moras Mental (PAMM) fasilita formasaun ba família ema ho defisiensia psikolójika, hamutuk nian 14 hodi bele halo antendimentu ba nia família rasik ne’ebé ho defisiensia psikolójika iha uma laran.
“Atu rekupera ka lae hosi defisiensia psikolójika save importante ida mak família nia papél atu halo atendemntu no esforsu ho meus hotu ho di’ak atu akompana nia membru liuliu halo asistensia ne’ebé mak dignu, labele halo diskriminasaun no maltrata ruma hasoru ema ho defisiensia psikolójika iha nia uma laran,” dehan kordenador Programa Asistensia ba Moras Mental (PAMM) Nico Ximenes iha salaun parokia Becora liuhosi komunikadu Imprensa ba lafaekn News kuarta (23/06/2021)
Kordenador Programa Asistensia ba Moras Mental (PAMM)Nico Ximenes informa tan atividade liga família /family link ne’e PRADET ho objetivu atu aumenta konesementu no esperensia prátika atendementu hasoru ema ho defisiensia psikolójika entre família sira atu nune’e sai hanesan motivasaun no korajen ba família sira atu iha nafatin vontade di’ak no komitmentu hodi halo akompanamentu ba membru família ne’ebé sofre defisiensia psikolójika.
Nico Ximenes espera, liuhosi atividade liga família ne’e, família sira aprende tan esperensia foun ruma hosi família seluk atu halo akompanmentu no asistensia ne’ebé diak liu tan hodi bele kontribui ba rekuperasaun membru família defisiensia psikolójika atu sira mós moris ho dignu hansan umanu iha komunidade niale’et
Iha sorin seluk, Partisispante formasaun Pedro Turquel sente kontente ba oportunidade ne’ebé iha hodi partisipa iha sorumute ne’e tanba bele rona esperensia ne’ebé diferente hodi tulun nia atu halo halo atendementu ba nia membru família ho defisiensia psikolójika iha nia uma .
“Hau agradese ba PRADET nia servisu hamutuk ho ami família defisiensia psikolójika sai hanesan família ida deit hodi halo akompanamentu no asistensia ba ema ho defisiensia psikolójika iha ami nia uma ” Informa Pedro Turquel
Total Familia ne’ebe partisipa formasaun hamutuk nain 14 ,feto 5 mane 9 ,no tuir dadus hosi PRADET ema ho moras Pisikolojika Iha municipio Dili hamutuk 570, mane 261 feto 309 .
Jornalista : Acacio Pinto
Asisten Editor : Felisberto Fendandes
