Lafaek News—Governu liu husi reuniaun Konsellu Ministru (KM) deside hakotu serka sanitaria iha Munisipiu Bobonaro no Kovalima, nune’e kontinua renova iha Munisipiu Baukau no Dili.
Ministru Prezidensia Konsellu Ministru (MPKM), Fidelis Manuel Leite Magalhães hatete, Konsellu Ministrus aprova mós Projetu Rezolusaun Governu nian ne’ebé mantein impozisaun serka sanitária iha Munisípiu Baukau no Dili ba loron hitu tan.
“Konsellu Ministrus desidi ona atu la renova impozisaun serka sanitária iha Munisípiu Bobonaru no Kovalima,”dehan MPKM iha konferensia imprensa, iha Palasiu Governu, kuarta (23/06/21).
Nune’e, bandu nafatin sirkulasaun ema sira nian entre munisípiu Baukau no Dili no sirkunskrisaun administrativa sira-seluk, exetu iha kazu hirak ne’ebé ninia fundamentu forte, tanba razaun seguransa públika, saúde públika, asisténsia umanitária, manutensaun sistema abastesimentu públiku, ka razaun seluk ne’ebé presiza atu hala’o ba interese públiku nian.
Enkuantu, governu implementa serka sanitaria ba Munisipiu Dili no Baukau ba dala-7 nian hahú iha loron 14 fulan Jullu no termina ona iha loron ohin (23/06), Nune’e, kontinua extende serka sanitaria ba dala-18 hahú iha loron ohin (23/06) no termina iha loron 30 fulan-Jullu.
Jornalista : Juvita dos Santos
Editór : Agapito de Deus
