Lafaek News—Xefe Suku Bebonuk Serafin Masedo, Informa reklamante iha suku Bebonuk sedauk simu sesta bazika hamutuk hotu 223.
Nia esplika, programa sexta bazika iha suku Bebonuk maioria hetan ona, simu primeiru aldeia rua metin lll no metin lV iha loja W four máka distribui, aldeia metin l no metin ll no 20 setembru simu iha loja supermerkadu lider, maibé familia ne’ebé sedauk simu máka hamutuk 223.
“Tuir lolos komunidade sira hetan hotu ona, maibé hare’e ba reklamasaun sira ne’e uluk lahetan agregadu familiar $200 dollar no naran latama iha lista, entaun ami hatama de’it lista ne’ebé agregadu familiar nian ba programa sesta bazika nian, tan nemaka sira halo reklamasaun hamutuk 223,” dehan Xefe Suku Bebonuk Serafin Masedo, ba lafaek news iha nia knar fatin, tersa, (23/06/2021).
Serafin hatete, reklamante 223 ne’e husi aldeia metin I, metin II, metin III, no 20 de Setembru máka dadaun ne’e sedauk hetan programa sesta bazika, maibé aldeia metin IV hetan ona.
Xefe suku hatutan, reklamante husi suku Bebonuk nian, nia parte submete ona naran ba iha parte relevante atu apoiu ai-han sesta bazika ba sira, maibé to’o agora sedauk.
“Ami halo ona pedidu ba iha sua silensia Ministériu Administrasaun Estatal (MAE), para enkamina ba Ministériu kompatente liliu Ministério Turizmu Komersiu Industria (MTKI) ne’ebé máka tama konta ba sexta bazika nian, mas to’o agora sedauk hetan, maibé ami nafatin esforsu para reklamante sira ne’e bele simu hotu,” nia hakotu.
Entertantu suku Bebonuk iha aldeia lima, metin I, metin II, metin III, metin IV no 20 de Setembro, no total populasaun hamutuk 14.685 pretense iha postu-administrativu Don-Aleixo, munisípiu Dili.
Jornalista : Joni Mau Risa
Asisten Editór : Pedro de Almeida
