Lafaek News—Ministru Turizmu Komérsiu no Indústria (MTCI) José Lucas do Carmo da Silva, ho Ministra Negósiu Estranjeiru no Koopersaun (MNEK), Adaljiza Albertina Xavier Reis Magno, tersa (15/06/2021), diskute namanas asuntu koordenasaun liña ministeriais kona-ba lori Timor Leste partisipa iha Expo Dubai.
Objetivu fundamental husi enkontru koordenasaun ne’e hanesan konsultasaun hodi hakat ba diskusaun oinsá preparasaun ne’ebe masimu no sólidu hodi lori Timor-Leste ba partisipaiha Expo Dubai no mós MTCI ko’alia ho MNEK oinsa haree faze ikus ne’ebé da-daun la’o hela, no oinsá haforsa liután koordenasaun entre liña ministeriais.
Entretantu, iha sesaun entrevista ho Ministru Turizmu Komérsiu no Indústria, José Lucas do Carmo da Silva afirma, desizaun ikus iha Konsellu Ministru ne’ebé sei preside rasik husi xefe governu.
“Ne’e desizaun Governu nian liu husi Konsellu Ministru, hanesan nasaun ita iha desizaun Governu ne’ebé ita nia Xefe Governu rasik fó sai tiha ona katak la iha razaun atu kansela partisipasaun Timor-Leste nian iha Expo Dubai, tanba ita nia preparasaun sira lao atu besik too finál ona,” afirma governante ne’e.
Mídia Ofisiál MTCI : Koka Araújo
Editór : Agapito de Deus
