Lautém –(Lafaek News)—Administradór Munisípiu Lautém, Domingos Savio, deside taka provizóriu prosesu aprendizajen iha suku Lore ho razaun evita pandemia covid-19.
Lia hirak ne’e hato husi diretór Servisu Edukasaun Munisípiu Lautém, Rui Miranda Branco, bainhira halo enkontru ho vise Ministru Edukasaun Juventude Desportu iha salun enkontru edefísiu edukasaun Lautém Kuarta ne’e.
“Ha’u simu orientasaun husi administradór Munisípiu Lautém hodi taka eskola provizóriu iha suku Lore ho razaun abitante ida mai husi Dili liu ba suku Lore pozitivu Covid-19, tanba ne’e eskola taka provizóriu iha suku ne’ebá hein to parte saúde teste swab ba familia sira iha ne’ebá karik rezultadu negativu prosesu eskola sei loke fila fali,” katak diretór edukasaun munisípiu Lautém ne’e.
Entertantu, eskola hahú taka iha segunda semana ne’e sei loke fali iha semana ida oin mai.
Iha okalizasaun ne’e edukasaun munisipiu Lautém mós simu material prevensaun covid19 husi Ministériu Edukasaun Juventude no Desportu hodi distribui ba eskola hotu iha Lautém ho hodi kombate virus korona.
Jornalista : CE. Lautém
Editór : Agapito de Deus
