Lautém-(Lafaek News)— Vice Ministru Edukasaun Juventude no Desportu, António Guterres, afirma oitavu governu liu husi MEJD sei fó prioridade ba profesores kontratdus inklui reklamante dezde 2013 too 2021, hodi muda sira nia estatutu ba permanente.
“Governu iha prioridade tanba ne’e mak ita halo planu ne’e fazeadamente ita rezolve sira ne’e ida- idak atu haree, tinan ida ne’e ita hare bele responde balu-balun, ta boot sira hatene tinan-tinan ministériu edukasaun juventude no desportu orsamentu boot OJE 2021 ita nian besik 111 miloens ne’e osan boot ita investe ba infrastrutura au mezmu tempu ita haree ba rekursu umanu sira ne’e,” katak vise MEJD ne’e ba lafaek news, hafoin entrega material profesaun covid-19 ba diretór eskola sira iha Munisípiu Lautém, Kuarta ne’e.
Hodi dehan, durante tinan barak profesór kontratadu sira hein hela estatutu profesor sira nian, tanba sai profesór kontratadu besik tinan 10, tanba edukasaun mak nu’udar lalenok ida, edukasaun forte nasaun mós forte, tempu badak sei haree tékniku sira halo hela diskusaun para bele buka solusaun.
“Prinsipiu mak ne’e ha’u nia hakrak ita rejolve problema, problema seluk labele inplika tan ba profesores sira,sira kumpri sira nia dever tinan barak kontribui ona ita tenke hare para bele rejolve hotu-hotu sente katak iha duni atensaun ne’ebé mak prioridade duni ba ita nia manorin sira, tanba sira mak nu’udar pilar importante liu,” Vise ministru edukasaun ne’e hakotu.
Jornalista : CE.Lautem
Editór : Agapito de Deus
