Lafaek News—Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, CIGC-SS) Rui Maria de Araújo, liu husi komunikadu imprensa, ohin (07/09) rejista tan obitu tolu, ida vasina astrazeneka kompletu no rua seidauk vasina.
“Total óbitu ne’ebé relata ohin, 7 de Setembru de 2021: 3 (tolu), mane, idade tinan 49, Timoroan, hela iha Dili, vasina kompletu Astra Zeneca, ohin madrugada diagnóstikadu iha HNGV, ho sindroma insufisiénsia respiratória aguda (SIRA) tan bá Covid-19,” Imforma Koordenadór Covid-19 Rui Maria de Araújo liu husi komunikadu, tersa (07/09/2021).
Nune’e mós mane, idade tinan 52, Timoroan, hela iha Dili, seidauk vasina, iha 6 de Setembru 2021, diagnóstikadu iha HNGV, ho sindroma insufisiénsia respiratória aguda (SIRA) tan bá Covid-19. Iha mós feto, idade tinan 59, Timoroan, hela iha Ataúro, seidauk vasina, iha 6 de Setembru 2021, diagnóstikadu iha Sentru Saúde Ataúro ho sindroma insufisiénsia respiratória aguda (SIRA) tan bá Covid-19.
Enkauntu kazu detetatu foun ne’ebé relata ohin dia 7 de Setembru de 2021: 190 (iha Dili 122, Baucau 25, Lautem 9, RAEOA 8, Ainaro 7, Bobonaro 6 & munisipiu seluk hamutuk 13).
“Kazu rekuperadu ohin, dia 7 de Setembru de 2021: 379, total kazu ativu 3.941 no konfirmadu kumulativu iha 7 de Setembru de 2021 (sura husi 21 Marsu 2020): 17.888,” tenik iha komunikadu.
Entretantu iha dia 7 de Setembru de 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu nain 96 husi númeiru ne’e grave hamutuk 12 pessoas (nain 3 uza ventilador, nain 3 uza CPAP-Continuous Positive Airway Pressure-, 6 uza oksijéniu); moderado hamutuk 55 pessoas; leve hamutuk 29 pessoas.
Jornalista : Sandi Belo
Asisten Editór : Pedro de Almeida
