Lafaek News—Responsavel pilar 2 surtu covid-19, Bendonida dos Reis Jerónimo, informa tuir planu iha loron 7 fulan Abríl 2021, governu Timor-Leste liu husi Ministériu Saúde (MS), sei hahú halo lansamentu ba aimoruk ba vasinasaun AstraZeneca, hodi fó vasinasaun ba sidadaun hotu iha territóriu Timor laran.
Tuir nia, data ba vasinasaun refere sei lansamentu iha dia 7 fulan Abríl, no vasina ho aimoruk astraZeneca ne’e sei foka uluk ba ema sira ne’ebé servisu iha frontline inklui mós sidadaun sira ne’ebé risku boot ba transmisaun covid-19
“Tuir planu lansamentu ne’e halo iha dia 7 fulan Abríl nia laran maibé seidauk hatene no lansamentu primeriu ba vasinasaun astraZeneca iha sei hahú iha Dili no sei alarga ba Munisípiu hotu “dehan responsavel pilar 2 surtu covid-19, Bendonida dos Reis Jeronimo, ba jornalista Lafaeknews hafoin halo sosializasaun kona-ba vasinasaun Covid-19, iha Lautem, sesta (19/03/2021).
Responsavel pilar 2 dehan, asuntu movilizasaun komunikasaun sei lansamentu iha Dili, no primeriu sei ba uluk grupu tarjetu 3 mak hanesan médiku frontline sira, PNTL sira, ema ne’ebé mak iha kuarentena, F-FDTL no grupu tarjetu sira seluk, grupu segundu sei fo vaksin ba ema sira ne’ebé ho moras krónika tensaun no moras sira seluk, grupu terseiru sei fó vasina ba ema sira ne’ebé idade ba leten,ida ne’e mak sei fo no introdus vasina 20% ne’ebé sei mai
“Vasina ne’e sei fo uluk grupu tarjetu 3 mak hanesan médiku frontline sira, PNTL sira,ema ne’ebé mak iha kuarentena, F-FDTL no grupu tarjetu sira seluk, grupu segundu sei fo vaksin ba ema sira ne’ebé ho moras krónika tensaun no moras sira seluk, grupu terseiru sei fó vasina ba ema sira ne’ebé idade ba leten,ida ne’e mak ita sei fo no introdus faksin 20% ne’ebé sei mai,”dehan nia
Nia afirma, Vaksin astraZeneca ne’e ita laiha obrigatoriu ba ema ida, tanba imunizasaun ne’ebé ministériu saúde halo laiha obrigasaun ida ba sidadaun sira, ba iha vaksin covid-19 ne’e mós hanesan sei la obriga ema ida maibé ho situasaun pandemia ne’ebé mak ita iha bele-bele mais pior liutan ho informasaun sira ne’ebé ami fahe bele konvense ema hotu nian nune bele hetan vaksin ne’e tuir ema hotu nia hakarak rasik,
Nia mós apela ba komunidade sira atu konsumu informasaun ne’ebé los tanba vasina astrazeneca ne’e seguru tebes, no informasaun sira ne’ebé espalla iha media sosial dehan vasina ne’e ladiak ita fiar katak komunidade sira matenek hodi asesu informasaun sira ne’ebé mak los tanba vasina ne’e di’ak hodi prevene covid19 ba ita hotu nia an.
Jornalista : EC Lautém
Asisten Editór : Egidio Nono
