Lafaek News–20 Agustus 2021 ohin, Timor Leste rejista mate ho covid-19 foun 1, total ema ne’ebé mate ho Covid-19 hamutuk 42.
Koordenadór forsas-tarefas ba prevensaun no mitigasaun surtu covid-19 iha Timor Leste, Rui Maria de Araújo relata, óbitu iha loton 20 Agostu 2021: 1 (ida), ho detallu hanesan tuir mai: Feto, idade 50, Timoroan, hela iha Dili, iha 7 Agostu 2021, diagnótikadu iha HNGV ho COVID-19 (PCR pozitivu ho CT E gene 16,7, N gene 19,1).
“Matebian sofre mós Cancro Mama direita, ho metástase ba pulmaun, no iha mós anemia severa, no iha fatin izolamentu Vera Kruz, hala’o tratamentu tuir protokolu ne’ebé iha, maibé matebian i’is-kotu horiseik loraik 16H40 tan bá xoke séptiku no falénsia orgaun lubuk-ida (multiple organ failure), nia rezultadu PCR hafoin i’is-kutu hatudu CT E gene 33,” esplika kordenadór ne’e liu husi komunikadu imprensa Sesta (20/08/2021)
Nune’e, familia kordena hela ho ekipa saúde atu hala’o funeral tuir protokolu ne’ebé adopta iha Timor-Leste, enkuantu kazu detetatu foun ne’ebé relata iha 20 Agostu 2021: 267 (iha Dili 152, Baukau 35, Ainaro 20, Kovalima 13, Manufahi 12, Aileu 7, Bobonaro 5, Ermera 10, Raeoa 7 no Vikeke 7.
Kazu rekuperadu ne’ebé ralata ohin hamutuk: 113, kazu ativu ohin, hamutuk: 2.882, no total kazu konfirmadu kumulativu iha 20 Agostu 2021 (sura husi 21 Marsu 2020): 13.700,” tenik nia
Amostra laboratóriu ba exame PCR hamutuk 45, ne’ebé rekolle entre 31 Jullu ho 9 Agostu 2021, no Laboratóriu Nasional Saúde haruka ba halo sekuensiasaun jenómika, iha loron 11 Agostu, iha Peter’s Doherti Institute iha Melbourne, Australia, hatudu katak 22 amostras husi Dili no 15 amostras husi Gleno, Ermera maka iha lineajen B.1.617.2 (Delta), variante ne’ebé preokupante ka variant of concern’’, Rezultadu hirak ne’e hatudu katak 82,2% (37/45) husi amostra konfirma prezensa variante Delta, no rezultadu ne’e mós konfirma katak variante Delta transmite ona iha komunidade nia le’et iha Ermera, hafoin munisipiu Dili, no possibilidade bo’ot, iha mós munisipiu hirak ne’ebé númeru kazu aumenta maka’as hahú fulan Agostu 2021.
Jornalista : Sandi Belo
Editór : Agapito de Deus
