Lafae News– Xefe Suku Vila-Verde Postu administrativu Vera-kruz Munisípiu Dìli Abdul M. Aranhado husu Governu atu hasai tiha konfinamentu Obrigatoriu tanba povu barak mak hamlaha no sulan de’it iha uma.
“Ha’u husu ba Governu se bele hasai tiha konfinamnetu obrigatòriu ne’e atu ema hotu bele halao atividade no buka moris, tanba de’it Konfinamanetu obrigatoriu ne’e ida-idak iha uma de’it ne’e susar boot,” dehan Xefe suku Vila-Verde ba Jornalista Lafaek News iha nia Kna’ar fatin Sesta-Feira (11/06/2021)
Nia hatutan, konfinamnetu obrigatoriu ne’e iha potensia sulan ema iha uma nune’e ba sira ne’ebè osan iha obriga tenke sai ba buka hahan, maibé balun ne’ebè laiha difísil tebes, tanba ne’e halo hela lista haruka parte kompetente atu bele suporta hahan.
“Distansia sosiál no ita hotu uza maskra fase liman ne’e saida, agora populasaun halnusa, servisu no mòs eskola sira paradu hotu, ne’ebè agora
Timor- Leste nia ekonomia tun ba porsentu (6%) ne’e, tanbà Konfinamentu obrigatoriu halo ema la movimenta, roda ekonomia la sirkula, kompara ho estudu emerjènsia dahulun konsidera di’ak liu, tanba ema halo movimentasaun tuir protokolu saúde mundiál nian.
“Husu ba governu pelumenus konfianmentu obrigatoriu ne’e hasai tiha, se lae ekonomia ne’e bele tun, tanba saida, tanba movimentasaun laiha, ema iha Foho la mai iha ne’e no iha ne’e mòs la ba Foho, ne’e susar liu,” preokupa Nia
Entretantu Xefe Suku ne’e apela nafatin ba populasaun hotu iha obrigasaun nafatin kumpri protokolu Organizasaun Mundiál Saúde (OMS) fó sai mak hanesan fase liman bebeik, uza maskara no distansia sosiál.
Jornalista : João da Costa Soares.
Edotór : Felisberto Fernandes
