Lafaek News—Xefe suku Maskarinas, Elidio de Araújo kestiona atendimentu governu nian la sentidu daternura (la ho fuan), ikus mai kauza idozu Agostinho ho idade 64 mate iha filera laran.
Xefe suku Maskariñas Elidio de Araujo informa, governu tenke iha konfiansa ba xefe suku tanba sira mak hatene klean kona-ba povu nia moris, razaun matebian Agustinho mate iha filera laran tanba dada iis la di’ak, ho razaun dudu malu too book an la di’ak, ikus mai kauza matebian tenke hakotu vida iha fillerra laran.
“Governu la respeitu idozu sira Maibé sira la hanoin ba futuru sira mos tama idozu maske dadauk ne’e membru governu sira mesak saude diak ba futuru sira mos sei tama idozu,” dehan Xefe suku Maskariñas Elidio Araujo ba Lafaek News iha Centru Comvensões Dili (CCD), tersa 23/12/2020.
Nia esplika, governu tenke tau prioridade ba asuntu ne’e tanba ema hotu iha direitu atu moris entaun governu tenke fo fiar ba xefe suku sira mak iha kompetensia no hatete liu preokupasaun kumunidade nian.
“Ami nia partidu polítiku mak governu tanba ami hala’o servisu atu servi ba povu lan’os servisu ba partidu polítiku, maibé tansa la fo tempu mai ami mak halo pagamentu ba idozu sira nune’e sira la bele la’o dook,” xefe suku Maskarinas ne’e relata.
Nia konta, idozu miaoria idade 60 ba leten no bolsa da maen maioria idade 50 mak forma hamutuk ida ne’e hanesan governu sadik fíziku rua ne’e atu dudu malu iha formatura.
“Governu la iha dignidade tanba, hatene hela Idozu ne’e forsa la iha ona Maibé sira haruka sai husi uma tenke la’o ba iha Banku BNCTL ho distansia kilo metru ida, tan ne’e mak ha’u dehan governu laiha dignidade,” nia afirma.
Jornalista : Orlando Magno
Editora : Nelya Barros
