Lafaek News-Relasiona ho implementasaun Estadu Emerjénsia no Serka Sanitária no konfinamentu domisiliáriu iha kapitál Dili inkluí minisípiu sira, oras ne’e komunidade barak afeta hamlaha ho nune’e, xefe suku Kaikoli, postu adminitrativu Vera Kruz, munisípiu Dili, sujere governu atu halo tratamentu ba povu nune’e salva povu labele mate hamlaha iha situasaun Estadu Emerjénsia no Konfinamentu Domilisiáriu (EE-SS).
Tuir Xefe suku Kaikoli, Hipolito Marques Sarmento, hatete, preukupasaun povu nian iha ámbitu EE no SS ne’e halo impediemntu ba movimentu populasaun iha liuliu iha kapitál Dili atu buka moris, tanba nia parte husu ba governu atu halo tratamentu ba populasaun nune’e populasaun labele mate tanba hamlaha
“Situasaun ne’e halo impedimentu ba atividade hotu-hotu tan de’it serka sanitaria no Covid-19, ha’u husu ba governu bele taka dalan hotu-hotu, maibé governu tenki halo tratamentu ida ba povu sira bele moris bainhira Covid-19 hotu ita nia povu ne’e labele mate ba hamlaha tanba ne’e ami husu sira tenki tau ida ne’e mak importante,” dehan Hipolito Marques Sarmento, ba jornalista lafaeknews.com iha Kaikoli, Dili, 19/05/2021.
Autoriedade lokál ne’e mós husu ba mak membru parlamentu hanesan segundu orgaun iha Timor-Leste povu hili sira atu tun ba baze, povu hili sira atu rona povu nia lian ne’ebé hanesan agora halerik dadaun ba hamlaha ne’e, deputadu/a ba tur iha PN balun iha leten mak haree de’it, maibé husi baze sira sira la haree.
Jornalista : João da Costa Soares
Asisten Editór : Egidio Nono
