NOTÍSIA JERÁL · 19 May 2021 13:48 ·

La Selebra 20 de Maiu, Sidadaun Hotu Presiza Halo Reflesaun Iha Uma


La Selebra 20 de Maiu, Sidadaun Hotu Presiza Halo Reflesaun Iha Uma Perbesar

Lafaek News–Komemorasaun loron restaurasaun independensía 20 de maiu ba dala 9, maibé ho situasaun pandemia Covid-19 ne’ebé afeta mundu tomak inkluí Timor-Leste, nune’e Xefe Suku Kaikoli, Postu administrativu Vera-Kruz, munisípiu Dili, Hipolito Marques Sarmento, hatete maske 20 de maiu 2021 la iha isar bandeira, maibé husu ba sidadaun hotu nu’udar Timor oan atu ida-idak selebra dada bandeira iha uma no halo reflesaun

Tuir autoridade lokál ne’e, loron importante 20 de maiu 2021 ba dala 19 la realiza, tanba impaktu pandemia Covid-19 ne’ebé afeta ba nasaun Timor-Leste hodi hapara atividade no bandu ema halibur malu, tan ne’e iha orientasaun governu liu husi Ministériu Administrasaun Estatal (MAE), katak labele realiza maibé ema ida-idak selebra iha uma hodi hasa’e bandeira no halo reflesaun.

“Loron restaurasaun 20 de maiu ne’e loron importante ba nasaun no povu ida-ne’e, maibé razaun katak ita labele selebra, tanba ho pandemia Covid-19 ne’ebé afeta ba ita nia rai, tanba ne’e máka ita la realiza komemorasaun loron 20 de maiu iha tinan 2021 ne’ebé sei monu iha aban,” dehan Xefe suku Kaikoli Hipolito Marques Sarmento, ba jornalista lafaeknews.com iha nia kna’ar fatin Kaikoli, Kuarta-feira, (19/05/2021).

Lider lokál ne’e sujere, husu ba governu no estadu maske ita la komemora maibé ida-idak tur iha uma hodi halo reflesaun ba loron inportante ne’e no husu mós ba povu Timor-Leste tomak hakmatek iha ida idak nia uma hodi hanoin ba restaurasaun 20 de maio 2021.

“Ami simu ona orientasaun katak ita labele komemora loron ida ne’e, maibé la signifika ita haluha la’e, ami simu ona orientasaun katak hotu-hotu hakmatek iha uma hodi hasa’e bandeira iha ida-idak nia uma no mós iha sede suku hodi komemora loron espesial ne’e,” nia dehan.

 

 

Jornalista         : Pedro de Almeida
Asisten Editór   : Egidio Nono

961 Views
Artikel ini telah dibaca 2 kali

Baca Lainnya

CNC!I.P Loke Seminariu Introdusaun Istoria Prezervasaub Povu TL

5 July 2024 - 18:39

FONGTIL Haforsa Kna’ar Sosiedade Sivil iha Dezenvolvimentu Nasional

5 July 2024 - 18:12

APC Kontinua rejista Uma Kain 19 Estraga Husi Dezastre Naturais    

24 June 2024 - 14:22

Guarda Floresta Foun Hamutuk 807 Sei Asina Kontratu Asegura Ailaran

1 April 2024 - 15:41

Uma Kain 72 Hetan Estragus Hosi Dezastre Naturais iha Semana Ne’e

25 March 2024 - 17:21

CVTL Ensera Treinamentu Primeira Sokorru Durante Loron 3 Ba Jornalista TL

24 March 2024 - 13:28

Trending di NOTÍSIA JERÁL