Lafaek News–Lider karizmátiku Kay Rala Xanana Gusmão husu graduadus Institutu Superior Filosofia no Teolojia (ISFT) Dom Jaime Gracia Goulart, nafatin aprende tan buat hotu sei la mai mesak bainhiraa la estuda, maibé matenek la’os dekor (Hafalan).
Hotu tiha kursu ida Presiza aprende beibeik no presiza aprende tan tanba kursu deit la fo koñesimentu hotu hotu ne’ebe ita hakarak atu hatene, tan Kursu neebe imi hasai bele sai hanesan baze diak ida iha ida-idak nia aan rasik atu bele buka hetane tan,” dehan Xanana liu husi nia intervensaun iha serimomia graduasaun neebe realiza iha Rezudir katedran Dili, sesta, 29/04/2022.
Lider karizmátiku ne’e hateten, nia rona seminarista iha fatin hotu-hotu iha instituisaun nivel sekundáriu sira hanoin ida ne’ebe klean no nesesariu haree ba buat ne’ebé aat no di’ak iha programa saida de’it nune’e mos haree saida mak kontra argumentu ne’ebé ema hanoin da-daun.
Ita Halo análiza ba realidade atu imi iha koñesimentu ba problema oioin hodi aumenta kapasidade iha moris nia laran, Nunee hau rekomenda ba imi hotu hasai ona kursu tenke halo komversa ho kolega no familia sira atu imi bele komprende liu tan saida mak imi lee no saida mak imi aprende,” lider Nasional ne’e esplika.
Eis Prezidente Repúblika hateten teoria ne’ebe diak liu bainhira aplika realidade konkreta ida lalika dekor de’it, maibé aprende aplika realidade ida ne’e tanba teoria ema mak hasai, maibé realidade hotu-hotu la hanesan.
Entertantu partisipante ne’ebé prezensa iha serimonia graduasaun ISFT ne’e kompostu husi lider nasional Kay Rala Xanana, Bispu Dioseze Dili ho familia gaduadus hotu.
Jornalista : Orlando Magno
Editor : Agapito de Deus
