Lafaek News—Primeiru Ministru IX Governu Konstitusional, Kay Rala Xanana Gusmão sente onradu hodi apresia hakerek nain ida ho naran Cancio Cassimata Ximenes (jornalista), kompostu husi titulu 3 espesial ba poejia Kay Rala Xanana Gusmão iha 7 de Abril 1999 ne’ebé publika iha jornal Suara Timor Timur iha 8 de Abril 1999.
Iha eventu lansamentu ne’e, Kay Rala Xanana Gusmão afirma, ho esforsu tomak ne’ebe eskritór ne’e hakerek apresia teb-tebes no nia mos husu ba Juventude sira koko hakerek kona-ba kultura Timor nian no istória sira seluk.
“Ha’u mai la’os tanba ha’u nia naran, maibá apresia ba esforsu ne’ebé Cansio halo tau iha livru buat ruma ne’ebe nia hakerek, ha’u lakohi temi saida mak nia hakerek iha ne’eba husu ba imi hotu-hotu karik hakerek kona-ba Ita nia kultura, no buat seluk seluk tan, hotu-hotu iha ne’e hatene karik hakerek buat ruma hakerek ba, hakerek kona-ba istoria, kultura ne’e oinsá, saida mak iha imi nia esperiénsiahakerek ba, ne’e duni labele baruk ten joven sira, lakleur ha’u sei lansa fali livru ida kona-ba Timor oan ida ne’ebé hakerek kona-ba sa benefisiu ba ita bainhira Ita tama Asean sá problema mosu wainhira Ita tama Asean ida ne’e mak presija joven sira ne’ebé sai da-daun husi universiade hanoin tok,” Lider karizmátiku ne’e hatoo lia hirak ne’e hafoin partisipa iha lansamentu Livru ne’ebé hakerek hosi Jornalista Cancio Cassimata Ximenes, salaun GMN Bebora Dili 25/03/2025.
Iha lansamentu livru ne’e, Cancio “cassimata”ximenes esklarese livru ne’ebe nia hakerek fahe ba luhu tolu ne’e ho artigu oin-oin no hahu hakerek husi 1999-2014.
“Livro Xanana Sasulu dame nian hanesan koneksaun Ida husi artigu simples ida ne’ebe ha’u hakerek iha periodu tinan 1999 to 2014, iha livru ne’e nia pájina hamutuk 1423, livru mahar ida ne’e ha’u fahe ba luhu tolu, iha luhu primeiro ha’u fo titulu “Ha’u hakerek”no artigu 18 ne’ebe ha’u hakerek especial ba Maun bo’ot Kay Rala Xanana Gusmão hahú husi maun boot nia poejia ne’ebe hakerek iha 7 de Abril 1999 no publika iha Suara Timor Timo,r iha dia 8 de Abril hakerek ba masakre boot ida ne’ebé akontese iha Likisá artigu seluk mak “Xanana nia matan been” artigu seluk mak,”karta domin ba Prezidente Xanana Gusmão” artigu hamutuk 18, Ha’u hanesan Jornalista ida ha’u akompanha hela polítika rekonsiliasaun,” Eskritór Cansio “Cassimata Ximenes iha nia diskursu lansamentu Livru Sasulu dame nian,” Cassimata esplika.
Entretantu, livru refere hakerek nain komesa hakerek hosi tinan 1999-2014 ho pájina hamutuk 145 no prodúz iha Indonézia, oferese on aba CNC!.IP. atu konserva ba memoria, nune’e iha lansamentu ne’e mos partisipa direta hosi família hakerek nain, Prezidente Parlamentu Nasional, Diretor CNC no Diretor Muzéu Resisténsia Timor.
Jornalista : Maria José
Editor : Agapito de Deus
