Lafaek News—Veteranu saudozu, Mário dos Anjos, hakotu viajen peregrinasaun iha mundu ho bolsu mamuk valor husi luta nian manan ho klamar moos iha futar oin kadunan santu.
Saudozu Mário dos anjos husi uma lisan kou-Asa suku Wairoque, postu administrativu Luru, munisípiu Lautém, involve an iha luta komesa kedan iha 7 de Dezembru 1975 iha Organizasaun Populár de Ttrablhador de Timor (OPTT), iha 1979 saudozu kontinua dedika an iha frente klandestina, asume kna’ar hanesan estafeta direta ba komandu FALINTIL, husi tinan 1979 saudozu hetan detensaun kaer husi tropa Indonézia kastigu iha postu administrativu Luru.
Nune’e, too tinan 1981, depois de livre husi detensaun saudozu kontinua tama iha organizasaun Organizasaun Sagrada Família (OSF) too Timor ukun an, saudozu hakotu nia is moris iha aldeia Lutu-loron suku Wairoque postu administrativu Luru ho moras komplikadu.
Tuir deklarasaun beioan saudozu Mario dos Anjos, katak saudozu Mário la hetan pensaun ruma no la hetan mós orden ruma husi estadu Timor-Leste maske naran rejista ona iha 2009 to agora mate no lakon leet.
“Ha’u nia avo mate ho moras komplikadu witoan nune’e la konsege salva nia vida iha dia 12 de Outubru ne’e ha’u nia avo hakotu iss maikse nia mate nia sedauk hetan pensaun husi governu maibé dadus iha ona komisaun tuir dadus ne’ebé mak ami hetan ha’u nia avo tama iha grau 8-14 tuir nia didikasaun ba iha funu ne’e, maibé ha’u nia avo mate ami kontaktu ba konsellu veteranu Lautém no sira mak oferese kaisaun ba iha ha’u nia avo nia mate,” katak subirno saudozu Mário.
Relasiona ho kestaun ne’e, Sekretariadu Konsellu Veteranu Munisípiu Lautém, Acasio Fini, rekonese saudozu Mário dos Anjos nia luta prenxe kategoria hanesan veteranus, nune’e konsellu oferese kaixaun no Bandeira Nasionál hodi halot nia isin mate.
“Ita nia saudozu sedauk hetan pensaun tanba foin valida iha 2009 no verefika iha 2021 nune’e saudozu sedauk bele hetan pensaun maibé ami konsidera nia luta no nia veteranu nune’e ami fornese kaisaun no Bandeira mai to iha suku wairoque, kundu verefika hotu no edital sei taka maka saudozu bele hetan ona nia direitu ba pensaun governu fo,” katak Acasio.
Saudozu Mario dos Anjos mate husik hela oan nain 9 no nia fen kaben saudozu lable hakoi iha jardim dos Heroi Lautém tanba nia dadus sedauk kompleta tanba ne’e prezidente da republika lable dekreta hodi hakoi iha jardim dos Heroi nune’e familia sira haloot ona nia isin mate iha 19 loraik iha suku Wairoque.
Jornalista : CE.Lautem
Editor : Agapito de Deus
