Lafaek News—(19 Outobru 2022), Diretora Interina Misaun USAID Dinah Zeltser, Ministra Saúde, Odete Maria Freitas Belo no Prezidente Funsaun Públika, Faustino Cardoso Gomes partisipa iha serimonia abertura semináriu nasional loron tolu iha Hotel Timor hodi finaliza esbosu deskrisaun servisu no avaliasaun dezempeñu ba professional saúde sira.
Partisipante besik 1 50 kompostu husi jestor no professional saúde sira husi nivel nasional no munisipal marka prezensa iha eventu ne’e.
Partisipante sira halo diskusaun ba esbosu deskrisaun servisu 41 no evaluasaun dezempeñu dokumentu sira ne’e dezenvolve hamutuk husi Ministériu Saúde no USAID liu husi USAID nia Atividade ba Sustentabilidade Sistema Saúde alu ajuda Timor-Leste hametin setor saúde ida ne’ebé efikaz, responsavél no transparente. Difinisaun deskrisaun
servisu no evaluasaun desempeñu sei hametin polítika no guiaun operasional sira ba rekrutamentu, retensaun, alokasaun no desempeñu funsionariu sira nian. Profesional saúde sira sei hetan kompensasaun no evaluasaun tuir padraun difinidu, justu no iha dalan ne’ebé efetivu liu atu ajuda Timor-Leste oferese servisu saúde ida ho kualidade a’as. justu no efisiente ho transparente no responsivu tuir nesesidade sidaudaun sira nian.
Kretériu ba deskrisaun servisu no avaliasaun desempeñu programadu atu implementa tinan oin. Ida nee primera vez ba professional saúde sira Timor-Leste nian atu serviSu ho sira nia deskrisaun servisu própiu no evaluasaun ba kompeténsia bazeia ba dezempeñu liga ho rezultadu no indikador programa sira no tarefa ne ebé sira hala’o.
Iha diskursu Ministra Saúde, Odete Maria Freitas Belo hateten niaparte parabens ba Diresaun Jeral Servisu Korporativus no Diresaun Nasional ba Rekursus Humanus, hamutuk ho USAID nia Atividade Ba Sustentabilidade Sistema Saúde hodi bele realiza sessaun avaliasaun ida ne’e.
Eventu ohin loron importante tebes, atu diskute kona ba deskrisaun servisus no evaluasaun desempenho ida ne’e laos atu fo presaun ba servisu sira maibe atu fo opportunidade ba Ministériu da Saúde atu
hadia desempenho servisu no sistema nasional saúde nian, hodi nune’e bele fornese kualidade servisu nebe diak liu ba ita nia kliente no pasiente sira iha komunidade.
Liu husi sorumutuk ida ne’e hau espera ita bele produz dokumentus ho kualidade ne’ebe hanesan baze legal hodi bele haforsa sistema saúde iha Timor-Leste.
“Hau espera katak semináriu loron tolu ne’e sei halibur ideia, sujestaun no rekomendasaun husi director sira, xefe
departementu, parseiru, assosiasaun professional sira, parseiru dezenvolvimentu sira no sosiedade sivil hodi finaliza esforsu sira ne’e, ” Diretora Interina Misaun USAID Dinah Zeltser hateten. “Estadus Unidus iha kompromisu atu parseria ho Mmistériu Saúde hodi harii lideransa forte iha setlor saúde, sistema jestaun, kompetensia no abilidade ne ‘ebé krusial atu garante forsa traballu ida ne ‘ebé aksesivél, disponivel, aseitavé, kualidadea’as, ho dezempeñu diak iha setor saúde.”
Eventu ida ne’e parte ida husi USAID ninia Atividade ba Sustentabilidade Sistema Saúde iha Timor-Leste ho total fundus millaun $15.6 ba periudu tinan ha’at (2020 2024) atu hametin governasaun no finansiamentu iha setor saúde, hadiak advokasia sosiedade sivil sira nian no promove komportamentu saudavél iha nivel uma kain no komunidade.
Estajiada : Maria Xavier
Editor : Agapito de Deus
