Lafaek News–Universidade da Paz liu hosi Fakuldade Direitu sei halo parseiru definitivu ho Fundasaun Forum Komunikasaun Juventude- Oratoriu Dom Bosco(F-FCJ-ODB, sigla Portugués) ho objetivu atu fasilita orfonatu sira iha sentru Miguel Magone.
Dosente orientadór estajiu professional UNPAZ 2022, nu’udar mós III Vise Dekanu fakuldade direitu, Afonso Soares hato’o asuntu ne’e iha nia diskursu ba selebarasaun serimonia despedida estajiadus nain 10 ho Forum Komunikasaun Juventude-Sentru Miguel Magone Dom Bosco Balide Dili foin lalais.
Ha’u sei ko’alia ho reitór univesidade da Paz no dekanu fakuldade direitu atu halo parseiru ho uma mahun hodi fasilita alin sira ne’ebé hela iha uma mahun ne’e bainhira sira hakarak ba eskola iha Universidade da paz,”dehan Dosente orientadór estajiu prosifionál UNPAZ 2022, Afonso Soare.
Nia subliña, Prosesu mai estajiu iha sentru ne’e foin primeira vez no Timor-Leste ukun-an tinan 20 ona maibé foin mak UNPAZ koñese fatin ida ne’e tanba ne’e UNPAZ hakarak agradesa ba uma mahon FCJ, ODB tanba bele simu estudante sira ne’e hala’o sira nia estajiu iha ne’e.
Ohin ami ko’alia ona ho Uma mahun katak katividade estajiu ne’e sai hanesan pasu dahuluk no loke oportunidade atu hakat ba aktividade sira seluk entre parte rua ne’e,” tenik Afonso.
Iha fakuldade Direitu Universidade da Paz iha advogadu lubuk ida no mós iha dosente lubuk ida ne’ebé bele sai parseiru di’ak ba fatin sentu Miquel Magone Dom Bosco Balide ida ne’e no prontu atu kolabora tanba so akademia mak bele halo alin sira iha fatin ida ne’ebé moris iha ambiente kontente nia laran.
Hanesan prezidente fundasaun dehan katak fó solusaun ba ami labele fó problema mai ami tanba ne’e ami prontu atu fó solusaun ba no prontu atu kolabora ho uma mahun no Unpaz fakuldade Direitu sei mai anima alin sira, liuliu iha serimonia aniversariu Uma mahun nian,’; sublina nia.
Dosente Orientdór ne’e esklarese, Esperensia ne’ebé estajiadu fakuldade Direitu Unpaz hetan iha falin ida ne’e diferente oituan tanba iha momentu balun ne’ebé presija sira to’o kalan no situasaun ida ne’e foin esperensia ba dala uluk ba estajiadus UNPAZ tanba ne’e agradese ba Uman Mahon.
Nia konklui hodi husu ba estajiadu/a sira ne’ebé kompleta ona sira nia estajiu profisionál iha fatin ida ne’e keta hotu iha ne’e, hodi haluha fatin ida ne’e maibé tula liman lisuk hodi proteze fatin ida ne’e tanba nudar estuda nain ba lei iha privileziu barak bainhira ko’alia kona ba protesaun.
Iha sorin seluk, Prezidente Fundasaun F-FCJ-ODB, Cipriano de Oliveira A. Freitas hatete, aktividade Estajiu ne’ebé universidade da Paz mobiliza liu-liu fakuldade direitu hodi hili F-FCJ-ODB hanesan fatin atu hakaar an ba, kosidera hanesan pasu ida importante tebes tanba area ne’ebé estajiadu/a sira foti hanesan Direitu ne’e, relevante tebes ba aktividade ne’e fundasaun ne’e halo.
Sira nia prezensa mai estajiu iha ne’e mesmu ke fulan ida de’it maibé ne’e hanesan pasu dahuluk nian atu haree oinsa sira bele mai pratika sira nia estudu no ami mós bele hetan tulun hosi sira hodi halo advokasia ba alin sira ne’ebé mak iha problema ho lei,” dehan nia.
Cipriano hatutan, nia parte iha esperansa ba oin parte fundasaun nian no Universidade da Paz bele servisu hamutuk iha protesaun labarik nian liu-liu iha lei nian. ohin iha iha diskusaun badak ho dosente orientadór katak ba oin presija kopera di’ak liu tan liuhosi nota entendimentu entre parte rua ne’e hodi bele halo advokasia hodi bele proteze alin sira ne’e durante ne’e moris iha problema no kazu nia laran.
Sujere ba Universidade atu bele aumenta sira nia fulan estajiu nian ba fulan rua atu nune’e fulan primeiru estajiadus bele aprende no koñese area no fulan daruak bele tau iha pratika liu-liu bele akompañia kazu sira ne’e hamutuk ho organizasaun tuir area ne’ebé iha,” katak Cipriano.
Nia hakotu, prezensa Estajiadu/a nain sanolun ne’e konsege loke ona fundasaun nia hanoin katak importante duni atu servisu hamutuk ho akademiku sira hodi bele halo advokasia ba kazu sira ne’e alin sira iha uma mahun ne’e infrenta.
Jornalista : Felisberto Fernandes
Editor : Agapito de Deus
